MOLAOKAKANYWA WA TŠWETŠOPELE YA METHOPO YA DIMENERALE LE PETROLEAMO
Bjalo ka ge di tsebišitšwe ka go Phuthego ya Bosetšhaba bjalo ka Molaokakanywa wa karolo 76; khopi ya Molaokakanywa e gatišitšwe ka gare ga Kuranta ya Mmušo ya No. ya bo 4577 ya 18 Disemere 2000
Sengwalwa sa Seisimane sa Molaokakanywa ke sengwalwa sa semmušo
LETONA LA DIMENERALE LE ENETŠI
MOLAOKAKANYWA
Go kgonegiša tšwelopele yeo e lekalekanago le yeo e sa felego ya methopo ya setšhaba ya dimenerale le petroliamo; le go kgonegiša merero yeo e amanago le tšona.
KETAPELE
Go amogela gore methopo ya dimenerale le petroliamo ya Afrika Borwa ke ya setšhaba le gore Mmušo wa Bosetšhaba ke mohlokomedi wa yona;
Go netefatša boikgafo bja Mmušo go šireletša tikologo gore meloko ya bjale le ya išago e holege; go netefatša tšwelopele ya ikholotši ya methopo ya dimerale le petroliamo yeo e sa felego go godiša tšwelopele ya ikonomi le ya kagišano;
Go lemoga tlhokego ya go godiša tšwetšopele ya gae le ya metsemagaeng le hlahlošo ya phedišano ya setšhaba seo se angwago ke meepo;
Go netefatšwa ka leswa boikgafo bja Mmušo go fetoga go tliša go kgona go humana methopo ya dimenerale le petroliamo;
Go tšeelwa hlogong boikgafo bja Mmušo ka fase ga Molaotshepetšo go tšea magato a melaotlhakwa go lokiša dipoelo tša kgethollo ya semorafe tša pele;
Go ikgafela go fediša mehuta kamoka ya mekgwa ya kgethollo ka go intasteri ya dimenerale le ya petroliamo;
Go netefatšwa ka leswa boikgafo bja Mmušo go tiiša polokego ya tshwaro ya naga mabapi le go nyaka diepšane le ditshepedišo tša meepo; le
Go gatelela tlhokego ya go hlola mmušo woo o bapetšegago boditšhabatšhabeng le woo o nago le ditshepedišo tšeo di kgontšhago le tša go ba le melao;
PEAKANYO YA MOLAO
KGAOLO 1: DITLHALOŠO
Ditlhalošo
KGAOLO 2: METHEO YE BOHLOKWA
Dinepo tša Molao
Go lotwa ga methopo ya setšhaba ya dimenerale le petroliamo
Tlhago ya tokelo ya go nyaka diepšane goba tokelo ya go epa le mong wa tšona
Metheo ya toka ya tshepetšo
KGAOLO 3: TSHEPETŠO
Tshepetšo ya Molao
Karoganyo ya Rephaboliki, meetse a nagadilete le kgaoganyo ya kontinente ka dilete
Go bewa ga le mešomo ya bahlankedi
KGAOLO 4: TAOLO YA METHOPO YA DIMENERALE
Tatelano ya go išwa pele ga dikgopelo
Therišano le makoko ao a nago le kgahlego le ao a amegago
Go šuthišetšega le go tshwenywa ga ditokelo tša go nyaka diepšane le ditokelo tša go epa
Thušo go batho bao ba bilego madimabe ka baka la kgethollo
Kgopelo ya tokelo ya go nyaka diepšane
Go fa le lebaka la tokelo ya go nyaka diepšane
Kgopelo ya mpšhafatšo ya tokelo ya go nyaka diepšane
Ditokelo le boikgafo bja mong wa tokelo ya go nyaka diepšane
Tumelelo ya go tloša le go lahla dimenerale
Kgopelo ya tokelo ya go epa
Go fa le lebaka la tokelo ya go epa
Kgopelo ya mpšhafatšo ya tokelo ya go epa
Ditokelo le boikgafo bja mong wa tokelo ya go epa
Tokollo go tefo ya diroyalthi
Thušo ka mabaka a tšwetšopele ya metsemagae le a ikonomi
Kgopelo ya, go fiwa le lebaka la tumelelo ya go epa
Tshedimošo le data mabapi le go epa goba go išwa pele ga dimenerale
Maatla a letona go laola go tlišwa ga tshedimošo yeo e itšego goba data
Go utolla tshedimošo
Kgopelo ya phemiti ya tshwaro
Go ntšhwa le lebaka la phemiti ya tshwaro
Go ganwa ga kgopelo ya phemiti ya tshwaro
Mpšhafatšo ya phemiti ya tshwaro
Ditokelo le boikgafo bja mong wa phemiti ya tshwaro
Phemiti ya tshwaro ga e šuthišetšwe
Metheo ya taolo ya tikologo
Taolo ya tikologo yeo e kopantšwego le maikarabelo a go lokiša
Lenaneo la taolo ya tikologo
Therišano le dikgoro tša mmušo
Kgonegišo ya tša ditšhelete go lokiša tshenyo ya tikologo
Taolo ya mašaledi a mogogolwa wa meepong
Setifikeiti sa tokollo
Go tlošwa ga meago, dihlongwa le dilo tše dingwe
Maatla a Letona go humana ditshenyegelo mabakeng a magato a tokišo a tšhoganyetšo
Maatla a Letona go lokiša tshenyego ya tikologo mabakeng a mangwe
Maatla a letona go fega goba go fediša tokelo ya go nyaka diepšane, tokelo ya go epa, phemiti ya go epa goba phemiti ya tshwaro
Kgaoletšo goba kganetšo ya go nyaka diepšane le go epa nageng yeo e itšego
Maatla a Letona go ganetša goba go kgaoletša go nyaka diepšane goba go epa
Letona le ka no fatišiša ditiragalo, tlhago goba bontši bja methopo ya dimenerale
Go epša ga dimenerale gore di be le mohola
Tsebišo ya go ba le poelo le hlalošo ya tshepetšo ya go epa yeo e amago go thwalwa
Tšhomišo ya ditokelo tša naga tseo di ganetšanago le maikemišetšo a Molao
Pušeletšo yeo e lefšwago ka fase ga mabaka ao a itšego
Maatla a Letona go amoga maruo ka mabaka a go nyaka diepšane goba go epa
KGAOLO 5
LEKGOTLA LA DIMENERALE LE GO EPA
Go hlongwa ga Lekgotla la Dimenerale le go Epa
Mediro ya Lekgotla
Boteng bja Lekgotla
Go tloga ka kantorong
Lebaka la kantoro le go thwalwa
Dikopano tša Lekgotla
Dikomiti tša Lekgotla
Go thušwa ka ditšhelete ga Lekgotla
Tefo ya maloko a Lekgotla, dikomiti le dihlopha tša mošomo
Dipego tša Lekgotla
Mediro ya tshepetšo
Phethagatšo ya Kgaolo
Dihlalošo
Taletšo ya dikgopelo
Go fiwa le lebala la phemiti ya tšhomišano ya theknikale
Kgopelo ya tokelo ya hlohlomišo
Go fiwa le lebaka la tokelo ya hlohlomišo
Kgopelo ya mpshafatšo ya tokelo ya hlohlomišo
Ditokelo le boikgafo bja mong wa tokelo ya hlohlomišo
Kgopelo ya tokelo ya tšweletšo
Go fiwa le lebaka la tokelo ya tšweletšo
Ditokelo le boikgafo bja mong wa tokelo ya tšweletšo
Maatla a Letona go fega goba go fediša diphemiti goba ditokelo
KGAOLO 7
DIKGONEGIŠO TŠA KAKARETŠO LE TŠE DINGWE
Maatla a go tsena ka lefelong la go nyaka diepšane, lefelo la go epa le lefelo la tshwaro
Go boloka ditokelo tša go nyaka diepšane, tokelo ya go epa goba phemiti ya moepo
Kganetšo ya paledišo ya motho yoo a dumeletšwego
Kganetšo ya tshenyo ya bodudi kgahlanong le modiredi
Go fa ditokomane
Dikotlo
Phetolo ya intasteri ya dimenerale le ya go epa
Go bewa ga rakontraka
Go bewa le go rongwa
Melawana
Bonnete bja dinnete
Ditatelano, go fegwa le ditaelo
Molao o tlama Mmušo
Phedišo le phetolo ya melao, le dikgonegišo tša phetišetšo
Thaetlele ye kopana le go thoma
MELAO YEO E FEDIŠITŠWEGO
DIPEAKANYO TŠA PHETIŠETŠO
Dihlalošo
Maikemišetšo a šetulo
Go tšwela pele ga dikgopele tšeo di se di phethwego tša go nyaka diepšane le go epa
Tšwelopele ya ditokelo tša go nyaka tša mmušo wa pele
Go tšwela pele ga ditokelo tša go epa tša mmušo wa pele
Go sekasekwa ga ditokelo tša mmušo wa pele tšeo di sa šomišwago
Tšwelopele ya dipoloko, ditumelelo le ditokelo tše dingwe
Tšwelopele ya lenaneo la taolo ya tikologo leo le dumeletšwego
Mediro ye mengwe ya Molaodi: Tšwelopele ya Dimenerale yeo e swanetšego go dirwa Molaodi wa Selete goba Letona
Go lokollwa go tefo ya diroyalthi
KGAOLO 1
MATSENO
Ditlhalošo
Ka Molaong wo, ka ntle le ge go bontšha gore go hlalošwa ka mokgwa wo mongwe—
i "menerale woo o tswalanago" e hlaloša menerale wo mongwe le wo mongwe woo o hlagago ka tswalano ya meneralotšikale, le gape le ka gare ga mogogolwa wa borale woo o swanago le menerale mogolo woo o epšwago, moo go sa kgonegego go epa menerale mogolo ntle le go epa le menerale woo o tswalanago le wona;
ii "poloko" e hlaloša sekgoba sefe goba sefe sa naga goba sa lewatle, go tsenywa malao a lewatle, ao a šupšwago e le poloko ke dikgokaganyo ka gare ga mmapa tšeo di lokišitšwego ke Lekalatirelo la Petroliamo gomme yona kamoka goba karolo ya yona e le ka Rephaboliking gomme e tsenya karolo efe goba efe ya poloko ye bjalo;
iii "lekgotla" le hlaloša Lekgotla la Tšwetšopele ya Dimenerale le Meepo leo le hlomilwego go ya ka karolo 56;
v "Mohlahlobi Mogolo" e hlaloša Mohlahlobi Mogolo yoo a beilwego go ya ka karolo ya bo 481 ya Molao wa Maphelo le Polokego ya Meepo, 1996 Molao No. 29 wa 1996;
vi "setšhaba" se hlaloša sehlopha seo se phedišanago seo se kopanego sa batho ba go ba le ditokelo goba dikgahlego ka go karolo ya naga yeo e itšego yeo leloko le nago le yona goba yeo e šomišwago mmogo go ya ka kwano, tlwaelo goba molao;
vii "Molaotheo" e hlaloša Molaotheo wa Rephaboliki ya Afrika Borwa, 1996 Molao No. 108 wa 1996;
viii "letšatši" e hlaloša letšatši la khalentara le gore palo efe goba efe ya matšatši e beetšwe neng gore go dirwe tiro, matšatši ao a tla tšewa ka go balela pele gomme a tsenya tšatši la mafelelo, ka ntle le ge letšatši la mafelelo e le Mokibelo. Lamorena goba tšatši lefe goba lefe la boikhutšo bja setšhaba, gomme lebakeng le bjalo palo ya matšatši e tla lemogwa ka go tlogela tšatši la pele gape le Mokibelo ofe goba ofe wo bjalo, Lamorena goba tšatši la maikhutšo a setšhaba;
ix "kgoro" e hlaloša Kgoro ya Dimenerale le Enetši;
x "tšwetšo pele" ge e šomišitšwe ka go kgaolo 6, e hlaloša go phetha tshepedišo efe goba efe ya tšwetšopele;
xi "tshepedišo ya tswetšopele" e hlaloša go humana ga sisimiki kamoka le go iša pele, go bora le go tsenya dinolofatši tša tšweletšo le ditiro tše dingwe tša go amana tšeo di nyakegago go tšweletša petroliamo ka kgontšhago le yeo e sepelelanago le lenaneo la tšwetšopele leo le dumeletšwego;
xii "lenaneo la tšwetšopele" e hlaloša lenaneo la tšwetšopele leo le dumeletšwego ka fase ga dikwano le ditlamo tša tumelelo ya tšweletšo;
xiii "Molaodi-Pharephare" e hlaloša Moladi Pharephare wa Kgoro;
xiv "mothwalwa" e šupa motho ofe goba ofe yoo a šomelago mong wa tokelo ya go nyaka diepšane, tokelo ya go epa, phemiti ya go epa goba phemiti ya tshwaro le yoo a nago le tokelo ya go humana moputso, empa ga e tsenye rakontraka yoo a ikemetšego ka noši, moeletši wa profešenale goba lekalatirelo la mong yo bjalo;
xv "tikologo" e hlaloša tikologo bjalo ka ge e hlalošitšwe ka go Molao wa Bosetšhaba wa Taolo ya Tikologo, 1998 Molao No. 107 wa 1998;
xvi "lenaneo la taolo ya tikologo" le hlaloša lenaneo la taolo ya tikologo leo le dumeletšwego leo le akantšwego ka go karolo 39;
xvii "molao wa tlogelo" e hlaloša tiro efe goba efe yeo e paledišago goba e thibelago motho go tsenela goba go oketša ka intastering ya dimenerale goba ya meepo goba mmaraka;
xviii "tokelo ya hlohlomišo" e hlaloša tokelo yeo e filwego go ya ka karolo 97;
xix "lefelo la hlohlomišo" e hlaloša lefelo leo le nago le poloko goba dipoloko tšeo di hlalošitswego ka go tokelo ya hlohlomišo goba ya tšweletšo xx "tshepetšo ya hlohlomišo" e šupa go išwa pele ka leswa ga data ya seisimiki yeo e lego gona, go kgoboketšwa le go išwa pele ga data ye mpšha goba tiro efe goba efe yeo e amanago go hlaloša molaba woo o yo lekwago ka go bora, go sega dikgwa le go leka, go tsenywa go leka go katološitšwego, ga petse ka maikemišetšo a go humana lefelo;
xxi "lenaneo la mošomo la go nyaka" e šupa lenaneo la mošomo wa go nyaka leo le dumeletšwego leo le bontšhago ditshepetšo tša petroliamo tšeo di yo dirwago lefelong la go hlohlomiša ka nako yeo tokelo ya hlohlomišo e somago, go tsenywa dintlha tša mabapi le ditiro tša hlohlomišo, dikgato, didirišwa tšeo di yo šomišwago le ditshenyegelo tšeo di akantšwego tša ditiro tša go fapana tša hlohlomišo le dikgato;
xxii "karanti ya tša ditšhelete" e hlaloša netefatšo yeo bakgopedi ba, goba bang ba tokelo ya go nyaka ba swanetšego go e fa Lekalatirelo ka Petroliamo [go ya ka kgonegišo efe?], ya go netefatša go ba gona ga ditšhelete tšeo di lekanego go sepetša lenaneo la mošomo leo go kwanwego ka lona le go tšošološa mafelo a go nyaka le a tšweletšo [ge e le gore motho yoo a rwelego maikarabelo goba khamphani e palelwa ke go phethagatša lenaneo le bjalo la mošomo goba tsošološo?]
xxiv "motho yoo a nago le histori ya go se holege" e šupa-
a motho ofe goba ofe goba khatekori ya ya batho bao ba sa holegego ka baka la kgethollo pele ga ge Molaotheo o thoma go šoma;
b mokgatlo ofe goba ofe, woo bontši bja maloko a wona e lego batho bao ba akantšwego ka go temana a;
c motho ofe goba ofe yoo a nago le taolelo ntle le mokgatlo, le batho bao ba akantšwego ka go temana a bao ba nago le ebile ba laola bontšhi bja tšhelete; goba tswalo ya leloko gomme ba kgona go laola bontši bja diboutu tša gona; goba d mokgatlo ofe goba ofe goba motho yoo a nago le taolelo, le batho, mekgatlo goba batho ba nago le taolelo bao ba akantšwego ka go temana a, b goba c bao na nago le ebile ba laola bontšhi bja tšhelete yeo e ntšhitšwego goba tswalo ya leloko gape ba kgona go laola bontši bja diboutu;
e šupa bokgole bja nyakišišo ye nngwe yeo e nyakegago;
xxv "mong" mabapi le tokelo ya go nyaka diepšane, phemiti ya go epa, phemiti ya tshwaro, tokelo ya tšweletšo, phemiti ya hlohlomišo ya lefelo goba phemiti ya tšhomišano ya theknikale, e šupa motho yoo a filwego phemiti ye bjalo motho yoo thaetlele ya gagwe e latelago ya motho yo bjalo;
xxvi "tshekatsheko ya pele ya thulano ya tikologong" e šupa tokomane yeo e tšwago go tshekatseko ya pele yeo e dirilwego pele ga ge go dirwa thulano ya tikologong yeo e hlalošago dilo kamoka le go kgoboketšwa ga lenaneo la taolo ya tikologo go kgona go-
a sekaseka tshedimošo yeo e amanago le maemo a tikologo pele ga go nyaka diepšane goba go epa;
b šupa bontši bja dithulano tšeo di lebeletšwego le ditlamorago tša tšona tikologong, go tšeelwa hlogong tšhišimogo efe goba efe goba dikgaoletšo tšeo di ka no bago gona godimo ga goba mabapi le lefelo;
c šupa mekgwa ye mengwe le go šišinya mokgwa wa go ba maswanedi kudu le tshepetšo ya go loga maano le go tšwetša pele protšeke ya go nyaka diepšane le ya go epa yeo e šišintšwego le dinyakwa tša yona tša taolo ya tikologo;
d rekhota dipono tša pele le dipelaelo tša balaodi ba maswanedi, bao ba amegago le ba bangwe; le e šupa bokgole bja nyakišišo ye nngwe le ye nngwe yeo e nyakegago;
xxvii "moepo", ge e somišwa bjalo ka lediri, e šupa tshepetšo efe goba efe yeo e lebišitšwego go ntšha dimenerale go, goba go šomišeng mašaledi a dimenerale godimo ga, ka gare goba ka fase ga lefase, meetse goba mašaledi afe goba afe, gomme e tsenya tshepetšo efe goba efe ya go sepelelana le tšona;
xxviii "menerale" e šupa selo sefe goba sefe, se thata, seela goba moya, sa tlhago ka goba godimo ga lefase, ka fase ga goba ka meetseng goba ka gare ga ditšhila tša moepo goba mogogolwa wa mašaledi a moepo gomme e bopilwe ke goba e tsenetše tshepetšo ya tšeolotši go tsenywa santa, letlapa, leswika, mmopa mmogo le mabu gomme go sa tsenywe-
a meetse, ntle le meetse ao a tšewago nageng goba lewatleng gore go ntšhiwe menerale ofe goba ofe meetseng a b oli ya tlhago goba petroliamo; goba c mobugodimo le phiti;
xxix "lefelo la moepo" le šupa lefelo leo le nago le selo se tshwaretšwego tokelo ya go epa goba phemiti ya go epa; go tsenywa-
a lefelo lefe goba la naga leo le bapilego;
b lefelo lefe goba lefe la naga leo le sa bapago, ge e le gore e amana le lefelo le bjalo ka tsela efe goba efe, seporo, diphaephe tša motlakase, tsela ya diphaephe, dikheipole goba lepanta la tshepetšo; le c lefelo lefe goba lefe la naga leo tsela ye bjalo, seporo, diphaephe tša motlakase, tsela ya diphaephe,dikheipole goba lepanta la go sepetša le lego go lona, ka fase ga taolo ya mong wa tokelo ya go epa ye bjalo goba phemiti ya go epa gomme tšeo a nago le tokelo ya go di šomiša mabapi le ditshepetšo tše bjalo tša go epa ka fase ga tokelo ye bjalo goba phemiti;
xxx "tshepetšo ya go epa" e šupa tshepetšo efe goba efe yeo e amanago le goba e kopantšwego le tiro ya go epa;
xxxi "tokelo ya go epa" e šupa tokelo ya go epa yeo e filwego go ya ka karolo 211;
xxxii "Kantoro ya Ngwadišo ya Dithaetlele tša Meepo" e šupa Kantoro ya Dithaetlele tša Meepo yeo go akantšwego ka yona ka go karolo 2 ya Molao wa Ngwadišo ya Dithaetlele tša Meepo, 1967 Molao No. 16 wa 1967;
xxxiv "mohlankedi" e šupa mohlankedi ofe goba ofe wa Kgoro yoo a beilwego ka fase ga Molao wa Tirelo ya Setšhaba, 1994 Pego No.103 ya 1994;
xxxv "mong" mabapi le naga, e šupa, -
a motho yoo naga e nwadišitšwego ka leina la gagwe; goba b ge e le naga ya mmušo, mmušo mmogo le modudi wa gona;
xxxvi "petroliamo" e hlaloša seela sefe goba sefe, haetrokhapone ye thata goba gase ya go beša yeo e hlagago ka tlhago ka legogong la lefase gomme e tsenya seela sefe goba sefe se bjalo goba khapone ye thata goba gase ya go beša yeo e bušeditšwego ka mokgwa ofe goba ofe mokgweng woo wa tlhago, empa e sa tsenye malahla, bituminous shale goba mašaledi a mangwe ao a beakantšwego ao oli e ka humanwago go wona ka mokgwa wa tisitilo ya go senya goba gase yeo e tšwago mohlakeng goba mašaleding a mangwe a lefase;
xxxix "yeo e boletšwego" e šupa molawana woo o boletšwego xl "go iša pele", mabapi le menerale ofe goba ofe, e šupa go humana, go ntšha, go hlokomedišiša, go šila, go khalsina, go aroganya, go pšhatla, go sekaseka, go hlatswa, go fokotša goba go moyafatša xli "tokelo ya tšweletšo" e šupa tokelo yeo e filwego go ya ka karolo 83;
xlii "tshepetšo ya tšweletšo" e šupa tshepetšo efe goba efe, tiro goba taba yeo e amanago le hlohlomišo, tekanyetšo, tšwetšopele le tšweletšo ya petroliamo;
xliii "lefelo la tšweletšo" e šupa lefelo lefe goba lefe leo le tshwaretšwego tokelo ya tšweletšo;
a woo o tshwenyanago le lefase, ka fase ga lefase, go balwa kabelo efe goba efe ya lefase yeo e lego ka fase ga lewatle goba ka fase ga meetse a mangwe; goba b ka gare goba godimo ga mokgobo wa mašaledi goba mogogolwa wa mašaledi, go kgona go netefatša go ba gona ga menerale ofe goba ofe le go phetha bontši le mohola wa ikonomi wa tšona;
xlv "lefelo la go nyaka" e šupa lefelo la naga leo le boletšwego ka are ga tokelo efe goba efe ya go nyaka;
xlvi "tshepetšo ya go nyaka" e hlaloša tiro efe goba efe yeo e dirwago ka go goba mabapi le go nyaka diepšane;
xlvii "tokelo ya go nyaka diepšane", e hlaloša tokelo ya go nyaka yeo e filwego go ya ka karolo 151;
xlviii "lenaneo la modiro la go nyaka diepšane" e hlaloša modiro wa go nyaka diepšane woo o logetšwego maano ao a tshwanetšego go šalwa morago go kgona go netefatša go ba gona ga mothopo ofe goba ofe wa menerale ka lefelong la go nyaka diepšane lebakeng la nako leo le diretšwego kgopelo;
xl "tshepetšo ya hlohlomišo" e hlaloša tshepetšo efe goba efe yeo e dirilwego ka baka la goba mabapi le go nyakwa ga petroliamo ka ditekanyo tša tšeolotšikale, tseofisikale le fototšeolotšikale gape di tsenya mekgwa efe goba efe ya go kwa e le kgole, gomme ga e tsenye tshepetšo efe goba efe ya hlohlomišo;
li"rekhoto" e hlaloša tshedimošo efe goba efe yeo e ngwadilwego fase go se na taba le mokgwa goba polelo;
lii molawana e hlaloša molawana woo o dirilwego ka fase ga karolo 219;
liv "Molaodi wa Selete" e hlaloša mohlankedi yoo a beilwego ke Letona go ya ka karolo 9 bjalo ka molaodi wa selete seo se itšego;
liv "Komiti ya Selete ya Tšwetšopele ya Meepo le Tikologo" e hlaloša Komiti ya Selete ya Tšwetšopele ya Meepo le Tikologo yeo e hlomilwego go ya ka karolo 63;
lv "mogogolwa wa mašaledi" e hlaloša mokgobo ofe goba ofe wa mašaledi ao a šalelago ge tokelo ya go nyaka diepšane, phemiti ya go epa goba phemiti ya tšweletšo e fela, e fedišwa goba e feta;
lvi "mokgobo wa mašaledi" e hlaloša magogodi afe goba afe, ditšhila, molora goba setšweletšwa sefe goba sefe seo se humanwego goba sa go bakwa ke tshepetšo ya go epa gomme o kgobokeditšwe goba o bolokilwe ka baka la gore go ena le kgonego ya gore o ka šomišwa gape, goba woo o lahlilwego, ke mong wa tokelo ya go epa, wa phemiti ya go epa goba tokelo ya tšweletšo;
lvii "lefelo la tshwaro" e hlaloša lefelo la naga leo le nago le tabataba ya phemiti ya tshwaro;
lix "tšwelopele yeo e sa falego" e hlaloša kopanyo ya dintlha tša phedišano, ikonomi le tikologo, tiragatšo le go dira diphetho go netefatša gore tšwelopele e direla meloko ya ga bjale le ya išago;
lxi "Molao wo" e tsenya melawana le mabaka afe goba afe goba ditlamo tšeo phemiti efe goba efe, tokelo, tumelo, tlogelo, tumelelo, tsebišo, setifikiti sa tokollo, lenaneo la taolo ya tikologo goba methalohlahli yeo e lego ka gona, goba taetšo yeo e filwego goba e dumeletšwe go ya ka Molao wo;
lxii "mobu wa godimo" e šupa llaga ya mobu yeo e khupeditšego lefase yeo-
a e fago tikologo ya maswanedi gore dipeu di gole, b e dumelelago go feta ga meetse;
c e lego mothopo wa diphedinyana, dinontšha tša dibjalo gomme mabakeng a mangwe peu;
d go akaretša botebo bja dimetara tše 0.5 goba botebo bofe goba bofe bjo bongwe bjalo ka ge go tla ba go phethile Molaodi lebakeng la nako leo le itšego goba lefelong la go epa.
KGAOLO 2
METHEO YE BOHLOKWA
Maikemišetšo a Molao
Maikemišetšo a Molao wo ke go –
a lemoga tokelo yeo e amogetšwego boditšhabatšhabeng ya mmušo go phethagatša borena godimo ga methopo kamoka ya dimenerale ka gare ga lefelo la wona;
b fa maatla molaotshepetšo wa boloti bja Mmušo bja methopo ya dimenerale ya setšhaba;
c godiša go humana ka go lekalekana methopo ya dimenerale ya setšhaba go batho kamoka ba Afrika Borwa;
d katološetša dibaka go batho bao ba nago le histori ya go se holege gore ba tsene ka intastering ya meepo le dimenerale goba ba holwe ke tšhomišo ya methopo ya dimenerale ya setšhaba;
f godiša go thwalwa le go tšwetša pele go ba gabotse ka tša phedišano le tša ikonomi go Maafrika Borwa kamoka;
g fa polokego ya tshwaro ya naga mabapi le ditshepetšo tša go nyaka diepšane le tša go epa;
i fa maatla karolo 24 ya Molaotheo ka go netefatša gore methopo ya setšhaba ya dimenerale e tšwetšwa pele ka mokgwa wa go tsebalega le go boloka tšwelopele ya ikholotši yeo e sa felego ka gare ga tlhako ya molaotshepetšo wa tikologo wa setšhaba; ditlwaelo le maemo ao a holago Maafrika Borwa kamoka; le j netefatša gore beng ba ditokelo tša go epa ba thuša ka tšwetšopele ya leago-ikonomi ya mafelo ao ba šomago ka go wona.
Bjalo ka mohlokomedi wa methopo ya dimenerale ya setšhaba, Mmušo wa setšhaba, o šoma ka Letona, o ka no -
a fa, gana, laola, le go sepetša ditokelo tša go nyaka diepšane, ditokelo tša go epa, diphemiti tša go epa, diphemiti tša tshwaro le tumelelo ya go tloša le go lahla dimenerale dife goba dife; le b phetha tefišo efe goba le kakanyo tše lefšwago go ya ka Molao wo.
Letona le swanetše go netefatša tšwelopele yeo e sa felego ya methopo ya dimenerale ya Afrika Borwa ka gare ga tlhako ya molaotshepetšo wa setšhaba wa tikologo, ditlwaelo le maemo ge e godiša tšwetšopele ya ikonomi le ya leago.
Phetolelo ya Molao
Ge go fetolelwa kgonegišo ya Molao wo, phetolelo efe goba efe ya go kwala yeo e sepelelanago le maikemišetšo a Molao wo le molao wa boditšhabatšhaba, di swanetše go kgethwa godimo ga phetolelo efe goba efe ye nngwe yeo e sepelelanago le maikemišetšo ao le molao wa boditšhabatšhaba.
Go ya ka mokgwa woo molao wa tlwaelo o sa sepelelanego le Molao wo, go tla rena Molao wo.
Tlhago ya Tokelo ya go nyaka goba tokelo ya go epa le ditokelo tša mong wa tšona
Tokelo ya go epa goba tokelo ya go nyaka ke tokelo ya nnete yeo e kgaoleditšwego ya maruo.
Mong wa tokelo ya go nyaka diepšane goba tokelo ya go epa o dumelelwa go ba le ditokelo tšeo di boletšwego ka karolong ye le ditokelo tše dingwe tšeo di ka no fiwago, tša humanwa ke goba tša fiwa mong yo bjalo ka fase ga Molao wo goba Molao ofe goba ofe.
Go ya ka Molao wo, moswari ofe goba ofe wa tokelo ya go nyaka dipšane goba tokelo ya go epa a ka no-
a tsena ka nageng yeo e amanago le tokelo ye bjalo le badiredi ba gagwe, gomme a ka no tliša ka nageng yeo sebjalo sefe goba sefe, motšhene le didirišwa le go aga, go hloma le go ala eng goba eng goba infrastraktšha ya ka fase ga mobu yeo e tla nyakegago ka mabaka a go nyaka diepšane goba a go epa, go ya ka moo go tla bego go le ka gona;
b nyaka diepšane goba a epa, go ya ka moo go tla bego go le ka gona, ka mabaka a gagwe, ka go goba ka fase ga naga yeo go humana menerale woo o fetšwego tokelo;
c tloša le go lahla menerale ofe goba wo bjalo woo o humanwego ge go nyakwa dipšane goba ge go epša, go ya ka moo go tla bego go le ka gona; le d Go ya ka Molao wa Bosetšhaba wa Meetse, 1998 Molao No. 36 wa 1998, šomiša meetse a go tšwa go letsha, noka goba moedi wa tlhago, woo o lego godimo ga, goba o feta nageng ye bjalo goba go tšwa go kepo efe goba efe yeo e dirilwego pele le go šomišetšwa mabaka a go nyaka diepšane le a go epa, go ya ka moo go tla bago go le ka gona, goba go nweletša petse yeo e nyakelwago tšhomišo ya go amana le go nyaka diepšane goba epa, go ya ka moo go tla bego go le ka gona, godimo ga naga ye bjalo
Ga go motho yoo a ka no nyakago dipešane goba a epa goba a thoma ka modiro ofe goba ofe godimo ga lefelo la go nyaka diepšane goba lefelo la go epa ntle le-
alenaneo la taolo ya tikologo leo le dumeletšwego; le b tokelo ya go nyaka diepšane goba tokelo ya go epa, go ya ka moo go tla bego go nyakega.
Metheo le toka ya tshepedišo
Go ya ka kgodišo ya Molao wa Kgodišo ya Tshepedišo, 2000 (Molao No. 3 wa 2000), mokgwa ofe goba ofe wa tshepetšo woo o sepetšwago goba sephetho seo se tšewago go ya ka Molao wo, di swanetše go sepelelana le metheo ya molao, go kwala le boloki bja ditshepetšo.
Sephetho sefe goba sefe seo se akantšwego ka go sekakarolo 1 se swanetše go ngwalwa fase le go sepela le mabaka ao a ngwadilwego fase a sephetho se bjalo.
KGAOLO 3
TSHEPETŠO
Tshepetšo ya Molao
Kgaoganyo ya Rephaboliki, meetse a nagadilete le karoganyo ya kontinente ka dilete
Ka mabaka a Molao wo, Letona le swanetše gore, ka tsebišo ka gare ga Kuranta ya Mmušo, le aroganye Rephaboliki, lewatle bjalo ka ge go hlalošitšwe ka go karolo 1 ya Molao wa Lebopo la lewatle, 1935 (Act No.21 wa1935), le karoganyo ya kontinente yeo go boletšwego ka yona ka go karolo 8 ya Molao wa Mafelo a Meetse, 1994 (Molao No.15 wa 1994), ka dilete.
Go bewa ga le mešomo ya mohlankedi
Molaodi Pharephare o swanetše gore go ya ka melao yeo e laolago tirelo ya setšhaba, a bee mohlankedi wa ka tirelong ya Kgoro bjalo ka molaodi wa selete se sengwe le se sengwe seo se akantšwego ka go karolo 8 yoo a swanetšego go dira mediro yeo a e laetšwego goba yeo a e filwego go ya ka Molao wo goba molao ofe goba ofe.
KGAOLO 4
TAOLO YA DIMENERALE LE TIKOLOGO
Tatelano ya go iša pele dikgopelo
Ge molaodi wa selete a humana dikgopelo tša go feta ye tee tša tokelo ya go nyaka diepšane, tokelo ya go epa goba phemiti ya go epa, go ya ka moo go tla bego go le ka gona, tša naga le menerale tšeo o tshwanago, dikgopelo tšeo di humanwego ka-
a tšatši le tee di swanetše go tšewa gore di humanwe ka nako ye tee gomme di swanetše go ahlaahlwa go ya ka sekakarolo 2;
a tšatšikgwedi a go fapana a swanetše go ahlaahlwa go ya ka tatelano ya wona.
Ge Letona le dira sephetho ka dikgopelo tšeo di humanwego bjalo ka ge go akantšwe ka go sekakarolo 1a, o swanetše go thoma ka dikgopelo tša batho ba go ba le histori ya go se holege.
Therišano le makoko ao a amegago le ao a nago le kgahlego
Lebakeng la matšatši a 14 morago ga go amogela kgopelo yeo e tlišitšwego go ya ka karolo 14, 20 goba 27, Molaodi wa Selete o swanetše gore, go ya ka mokgwa woo o boletšwego-
a a tsebagatše gore kgopelo ya tokelo ya go nyaka diepšane, tokelo ya go epa goba phemiti ya go epa di humanwe mabapi le naga yeo go bolelwago ka yona; le b a kgopele batho bao ba nago le kgahlego le bao ba amegago go tliša diswayaswayo tša bona mabapi le kgopelo lebakeng la matšatši a 30 go tloga ka tšatši la tsebišo.
Ge e le gore motho o gana gore tokelo ya go nyaka diepšane e fiwe, tokelo ya go epa goba phemiti ya go epa, Molaodi wa Selete o swanetše go fetišetša kgano go Komiti ya Selete ya Tšwetšopele ya Meepo le tikologo go akanya ka dikgano le go eletša Letona ka taba yeo.
Go šuthišetšega le mathata a ditokelo tša go nyaka diepšane le ditokelo tša go epa
Tokelo ya go nyaka diepšane, tokelo ya go epa, kgahlego ka go tokelo efe goba efe goba tswalo efe goba efe ya taolo ka go mong wa tokelo efe goba efe ye bjalo e ka no fiwa, ya šuthišetšwa, ya hirišwa, ya hirišwa ke yoo a e hirišeditšwego, ya fiwa, ya šelefatšwa goba ya lahlwa ka mokgwa wo mongwe ka tumelelo yeo e ngwadilwego ya Letona.
Tumelelo yeo go bolelwago ka yona ka go sekakarolo 1 e swanetše go fiwa ge e le gore yoo a fiwago, yoo a šuthišetšago, yoo a hirišetšwago goba motho yoo tokelo e šelefatšwago go yena goba e lahlelwago ke yena-
a o kgona go rwala le go latela boikgafo le ditlamo le mabaka a tokelo yeo e amegago;
a o kgona go latela boikgafo bja maano a kagišano lebakeng la tokelo ya go epa;
b o kgotsofatša dinyakwa tša karolo 15 goba 21, go ya ka moo go tla bego go le ka gona; le c o kgona go phethagatša, ebile o dumela go šala morago boikgafo kamoka bja mong wa pele.
Tumelelo yeo e akantšwego ka go sekakarolo 1 ga e nyakege mabapi le paledišo ka peelo ya tokelo efe goba efe ye bjalo goba tswalo bjalo ka poloko ya lounu efe goba efe goba karanti ka panka efe goba efe goba instithušene ye nngwe ya ditšhelete yeo e ngwadišitšwego ka Rephaboliking.
Tšhutišetšo efe goba efe, go fa, go hiriša, go hiriša ke yoo a e hirišeditšwego, go šelefatša, paledišo ka peelo goba phapanyo ya tokelo ya go nyaka diepšane goba tokelo ya go epa, go ya ka mo go tla bego go le ka gona, tšeo di boletšwego ka go karolo ye di swanetše go ngwadišwa Kantorong ya Ngwadišo ya Dithaetlele tša Meepo lebakeng la matšatši a 30 a tiro ya maswanedi.
Thušo go batho bao ba nago le histori ya go se holege
Letona, ka tumelo ya Letona la tša Ditšhelete go tšwa ditšheleteng tšeo di beetšwego lebaka leo ke Palamente, le ka no fa thušo ya ditšhelete goba ye nngwe go batho goba mekgatlo ya batho ba go tšwa dihlopheng tša go ba le histori ya go se holege go sepetša ditiro tša go nyaka dimenerale goba tša go epa.
Thušo yeo go boletšwego ka yona ka gare ga sekakarolo 1 e ka no fiwa go ya ka mabaka le ditlamo tšeo Letona le ka no di phethago gomme ya ba sekoloto go Mmušo ka batho bao ba thušitšwego.
pele ga go fa thušo yeo go boletšwego ka yona ka go sekakarolo 1, Letona le swanetše go tšeela hlogong dintlha kamoka tša maswanedi, go tsenywa-
a tlhokego ya go godiša khumano yeo e lekalekanago ya methopo ya setšhaba ya dimenerale;
b maemo a tša ditšhelete a mokgopedi;le c Tlhokego ya go fetola popego ya bong ya intasteri ya dimenerale le meepo.
Kgopelo ya tokelo ya go nyaka diepšane
Motho yoo a nyakago go dira kgopelo go Letona ya tokelo ya go nyaka diepšane o swanetše go iša kgopelo-
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo yeo e boletšwego yeo e sa bušeletšwego.
Molaodi wa Selete o swanetše go amogela kgopelo ya tokelo ya go nyaka diepšane ge e le gore-
a mokgopedi o tlišitše kgopelo ka mokgwa woo o boletšwego;
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 a go humanwa ga kgopelo.
Ge Molaodi wa Selete o amogela kgopelo, Molaodi wa Selete o swanetše gore, lebakeng la matšatši a 14 go tloga ka tšatši la kamogelo, a tsebiše mokgopedi ka go ngwala fase gore a tliše pego ya pele ya thulano ya tikologo lebakeng la matšatši a 30 go tloga ka tšatši la tsebišo le go ikopanya le makoko afe goba afe ao a nago le kgahlego le ao a amegago.
Go fiwa le lebaka la ditokelo tša go nyaka diepšane
Go ya ka dikakarolo , Letona le swanetše go fa tokelo ya go nyaka diepšane ge e le gore-
a mokgopedi o kgona go humana methopo ya ditšhelete le ge e le gore o na le bokgoni bja theknikale bja go sepetša tshepetšo ya go nyaka diepšane;
b tshenyegelo yeo e akantšwego e bapetšega le tshepetšo ya go nyaka diepšane yeo e ikemišeditšwego le lebaka la lenaneo la mošomo wa go nyaka;
c go nyaka go ka se bake tšhilafatšo yeo e ka se lokišegego, nyenyefatso ya ikholotši goba tshenyo ya tikologo;
d mokgopedi o na le bokgoni bja go šala morago dikgonegišo tša maswanedi tša Maphelo a Moepong le Molao wa Polokego, 1996;
e mokgopedi ga a ganetšane le dikgonegišo dife goba dife tša maswanedi tša Molao wo; le f go fiwa ga tokelo ye bjalo go tla tšwetša pele maikemišetšo ao go boletšwego ka wona ka go karolo 2d le f.
Letona le swanetše go gana go fa tokelo ya go nyaka diepšane ge e le gore-
a kgopelo ga e kgotsofatše dinyakwa kamoka tšeo go boletswego ka tšona ka go sekakarolo 1; goba b go fa tokelo ye bjalo go tla baka gore dimenerale di tlale ka diatleng tša mokgopedi yo bjalo.
Ge Letona le gana go fa tokelo ya go nyaka diepšane, ka go ngwala fase, Letona le swanetše go tsebiša mokgopedi ka go ngwala fase ka sephetho le mabaka a gona.
Go fiwa ga tokelo ya go nyaka diepšane go ya ka sekakarolo 1 go thoma go šoma ka tšatši leo ka lona lenaneo la taolo ya tikologo le dumelelwago go ya ka karolo 393.
Tokelo ya go nyaka diepšane e laolwa ke mabaka le ditlamo tšeo di boletšwego gomme e šoma lebaka la nako leo le hlalošitšwego ka gare ga tokelo, gomme lebaka leo ga se le tshwanele go feta mengwaga ye mehlano.
Kgopelo ya mpšhafatšo ya tokelo ya go nyaka diepšane
Mong ofe goba ofe wa tokelo ya go nyaka diepšane yoo a ratago go dira kgopelo go Letona ya gore tokelo ya go nyaka diepšane e mpšhafatšwe o swanetše go tliša kgopelo-
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le mmogo le tefišo yeo e boletšwego yeo e sa bušetšwego.
Kgopelo ya mpšhafatšo ya tokelo ya go nyaka diepšane e swanetše-
a go bolela lebaka leo mpšhafatšo e nyakegago;
b go sepela le pego yeo e hlalošago dilo ka botlalo yeo e bontšhago dipoelo tša go nyaka, phetolelo ya tšona le tshenyegelo ya go nyaka diepšane;
c go sepela le pego yeo e bontšhago tšhalo morago ya dinyakwa tša lenaneo la taolo ya tikologo leo le dumeletšwego, tšošološo yeo e yo dirwago le ditshenyegelo tša goba tšeo di akantšwego; le d go tsenya lenaneo la mošomo wa go nyaka diepšane leo le hlalošago dilo ka botlalo la lebaka la mpšhafatšo.
Letona le swanetše go fa mpšhafatšo ya tokelo ya go nyaka diepšane ge e le gore kgopelo e latelela dikakarolo 1 le 2 le ge e le gore mong wa tokelo ya go nyaka diepšane o šetše morago-
a mabaka le ditlamo tša tokelo ya go nyaka diepšane gape ge a sa ganetšane le dikgonegišo dife goba dife tša maswanedi tša Molao wo;
b lenaneo la mošomo la go nyaka diepšane; le c dinyakwa tša lenaneo la taolo ya tikologo leo le dumeletšwego.
Tokelo ya go nyaka diepšane e ka no mpšhafatšwa, ga tee, lebaka leo le sa fetego mengwaga ye meraro.
Ditokelo le ditlamo tša mong wa tokelo ya go nyaka diepšane
Go tlaleletša ditokelo tšeo go boletšwego ka tšona ka go karolo 5, mong wa tokelo ya go nyaka diepšane-
a ge e le gore, go ya ka sekakarolo 16, tokelo yeo e kgethollago ya go dira kgopelo le go fiwa tokelo ya go nyaka diepšane mabapi le menerale le lefelo leo go nyakwago go lona ;
b go ya ka sekakarolo 2, tokelo yeo e kgethollago ya go kgopela le go fiwa tokelo ya go epa mabapi le menerale le lefelo la go nyaka tšeo go bolelwago ka tšona; le c go ya ka tumelelo yeo go bolelwago ka yona ka go karolo 18, tokelo yeo e kgethollago ya go tloša le go lahla menerale ofe goba ofe, woo o amanago le tokelo ye bjalo, woo o humanwego ge go nyakwa.
Mong wa tokelo ya go nyaka diepšane o swanetše go-
a ngwadiša tokelo ye bjalo le Kantoro ya Ngwadišo ya Dithaetlele tša Meepo lebakeng la matšatši a 30 a tšatši leo ka lona tokelo-
i e thomago go šoma;le ii e mpšhafaditšwego go ya ka karolo 163;
b o swanetše go thoma ka ditiro lebakeng la matšatsi a 90 go tloga ka tšatši leo ka lona tokelo ya go epa e thomago go šoma go ya ka karolo 154;
c go tšwela pele go sepetša ditiro tša go nyaka go ya ka lenaneo la mošomo wa go nyaka diepšane;
d go šala morago mabaka le ditlamo tša tokelo ya go nyaka diepšane le dikgonegišo tša maswanedi tša Molao wo;
e go šala morago dinywakwa tša lenaneo la taolo ya tikologo leo le dumeletšwego;
f go lefa tefišo ya go nyaka diepšane yeo e boletšwego go Mmušo; le g go ya ka karolo 18, go lefa diroyalthi tšeo di boletšwego go Mmušo mabapi le menerale ofe goba ofe woo o tlošitšwego le woo o lahlilwego ka nako ya ditshepetšo tša go nyaka dimenerale.
Tumelelo ya go tloša le go lahla dimenerale
Go ya ka sekakarolo , mong wa tokelo ya go nyaka diepšane a ka no tloša le go lahla menerale ofe goba ofe ka bontši bjo bo ka no nyakegago go dira diteko ka bjona goba go šupa le go o sekaseka.
Mong wa tokelo ya go nyaka diepšane o swanetše go humana tumelelo ya Letona yeo e ngwadilwego fase go tloša goba go lahla disampolo dife goba dife tša mokgobo tša menerale ofe goba ofe woo o boletšwego woo o humanwego ge go dirwa tshepetšo ya go nyaka.
Mong wa tokelo ya go nyaka diepšane o swanetše go-
a gore lefelong la ka Rephaboliking, a boloke direkhoto tša maleba tša tshepetšo ya go nyaka le dipoelo le ditshenyegelo tšeo di amanago le yona mmogo le data ya borehole core le core-log data; le b gore, ka mokgwa woo o boletšwego le ka dibaka tšeo di boletšwego, a tliše dipego tša tšwelopele go Molaodi wa Selete mabapi le ditshepetšo tša go nyaka diepšane.
Ga go motho yoo a swanetšego go lahla goba go senya rekhoto efe goba efe, borehole core goba core-log data tšeo go boletšwego ka tšona ka go sekakarolo 1a ntle le ge e le go ya ka ditaelo tšeo di ngwadilwego fase tša Molaodi wa Selete wa maswanedi.
Kgopelo ya tokelo ya go epa
Mang le mang yoo a ratago go kgopela Letona tokelo ya go epa o swanetše go iša kgopelo-
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore-
a mokgopedi o tsentšhe kgopelo ka mokgwa woo o boletšwego;
b ga go motho yo mongwe yoo a swerego tokelo ya go nyaka diepšane, tokelo ya go epa, phemiti ya go epa goba phemiti ya tshwaro ya menerale woo o tshwanago le naga.
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 morago ga ge kgopelo e humanwe.
Ge e le gore Molaodi wa Selete o amogela kgopelo, Molaodi wa Selete o swanetše gore, lebakeng la matšatši a 14 go tloga ka tšatši la kamogelo, a tsebiše mokgopedi ka go ngwala fase gore a tliše pego ya pele ya tshekatsheko ya tikologo lebakeng la matšatši a 30 go tloga ka tšatši la tsebišo.
Go fiwa le labaka la tokelo ya go epa
Go ya ka sekakarolo , Letona le swanetše go fa tokelo ya go epa ge e le gore-
a mothopo wa menerale o ka epšwa gomme wa tliša dipoelo tša go kgahliša;
b mokgopedi o kgona go humana methopo ya ditšhelete ebile o na le bokgoni bja theknikale bja go sepetša tshepetšo ya go epa yeo e ikemišeditšwego gore e tliše dipoelo tša go kgahliša;
c maano a thušo ya ditšhelete a bapetšega le tshepetšo ya go epa yeo e ikemišeditšwego le lebaka la gona;
d ge e le gore moepo o ka se bake tšhilafatšo yeo e ka se lokišegego, nyenyefatšo ya ikholotši goba tshenyo go tikologo;
e mokgopedi o kgonegišitše maano a leago ao a boletšwego;
f mokgopedi o na le bokgoni bja go latelela dikgonegišo tša maswanedi tša Maphelo a Meepong le Molao wa Polokego, 1996, Molao No. 107 wa 1996;
g mokgopedi ga a tlole dikgonegišo dife goba dife tša Molao wo; le h go fiwa ga tokelo ye bjalo go tla tšwetša pele maikemišetšo ao a boletšwego ka go karolo 2d le f.
Letona le swanetše go gana go fa tokelo ya go epa ge e le gore-
a kgopelo ga e kgotsofatše dinywakwa kamoka tšeo di boletšwego ka go sekakarolo 1;
b go fiwa ga tokelo ye bjalo go ka se tšwetše pele maikemišetšo ao a boletšwego ka go karolo 2f le I;
Ge e le gore Letona le gana go fa tumelelo ya go epa, Letona le swanetše gore, lebakeng la matšatši a 30 a go gana, le tsebiše mokgopedi ka go ngwala fase ka sephetho le mabaka a gona.
Go fiwa ga tokelo ya go epa go ya ka sekakarolo 1 go tla thoma go šoma ka tšatši leo lenaneo la taolo ya tikologo le dumeletšwego go ya ka karolo 393.
Tokelo ya go epa e laolwa ke mabaka le ditlamo tšeo di boletšwego ebile e šoma lebaka leo le boletšwego ka gare ga tokelo, gomme lebaka leo ga se le swanele go feta mengwaga ye 30.
Kgopelo ya mpšhafatšo ya tokelo ya go epa
Mang le mang yoo e lego mong wa tokelo ya go epa yoo a ratago go dira kgopelo go Letona ya mpšhafatšo ya tokelo ya go epa o swanetše go iša kgopelo-
d kantorong ya Molaodi wa Selete yoo naga e lego seleteng sa gagwe;
e ka mokgwa woo o boletšwego; le f mmogo le tefišo ya kgopelo yeo e sa bušetšwego.
Kgopelo ya mpšhafatšo ya tokelo ya go epa e swanetše go-
a bolela lebaka la nako leo mpšhafatšo e nyakegago b sepela le pego ye e bontšhago gore dinywakwa tša lenaneo la taolo ya tikologo leo le dumeletšwego le šalwa morago go fihla kae, tšošološo yeo e yo dirwago le ditshenyegelo tša gona tšeo di akantšwego; le c tsenya maano a kgwebo ao a hlalošago dilo kamoka a lebaka la mpshafatšo.
Letona le swanetše go fa mpshafatšo ya tokelo ya go epa ge e le gore kgopelo e šala morago dikakarolo 1 le 2 le ge e le gore mong wa tokelo ya go epa o šetše morago-
a mabaka le dikwano tša tokelo ya go epa gomme ga a ganetšane le dikgonegišo tša maswanedi tša Molao wo;
b ditlamo tša ka fase ga maano a kgwebo a moepo;
c dinyakwa tša maano a leago ao a boletšwego; le d dinyakwa tša lenaneo la taolo ya tikologo leo le dumeletšwego.
Tokelo ya go epa e ka no mpshafatšwa mabaka a mangwe ao a sa fetego mengwaga ye 30.
Ditokelo le boikgafo bja mong wa tokelo ya go epa
Go tlaleletša ditokelo tšeo go boletšwego ka tšona ka go karolo 5, mong wa tokelo ya go epa o swanetše gore, go ya ka karolo 22, tokelo ya go kgetholla, a kgopele le go fiwa mpšhafatšo ya tokelo ya go epa ya menerale le lefelo la go epa leo go bolelwago ka lona.
Mong wa tokelo ya go epa o swanetše go-
a ngwadiša tokelo ye bjalo go Kantoro ya Ngwadišo ya Dithaetlele tša Meepo lebakeng la matšatši a 30 a tšatši leo ka lona tokelo-
i e thomago go šoma;
ii e mpšhafaditšwego go ya ka karolo 223;
b thoma ditshepetšo tša go epa lebakeng la ngwaga wo tee go tloga ka tšatši leo ka lona tokelo ya go epa e thomago go šoma go ya ka karolo 214;
c go epa ka mahlahla go ya ka maano a kgwebo a go epa;
d šala morago mabaka le dikwano tša tokelo ya go epa le dikgonegišo tša maswanedi tša Molao wo;
e šala morago dinyakwa tša lenaneo la taolo ya tikologo leo le dumeletswego;
f šala morago dinyakwa tša maano a leago ao a boletšwego; le g go ya ka karolo 24 le 25, a lefe diroyalthi tšeo di boletswego go Mmušo.
Tokollo go tefo ya diroyalthi
Letona, ka ditlamo le mabaka ao le ka no a phethago, le ka tšhisinyo yeo e ngwadilwego fase ya Lekgotla, le ka no lokolla mong wa tokelo ya go epa go lefa diroyalthi ge e le gore-
a go lefiša diroyaltho tše bjalo go tla ama kudu bokgoni bja tša ditšhelete le bja ikonomi bja tshepetšo ya moepo gomme gwa baka go lahlegelwa ga mešomo; goba b mong o šomiša goba o tla šomiša diroyalthi tše bjalo ka mabaka a go holwa ga menerale wo bjalo gae goba go sepetša phatišišo ya go amana le taba ye bjalo.
Go ba le mohola ga dimenerale
Gore Letona le godiše go ba le mohola ga dimenerale ka Rephaboliking, le ka no re ka mabaka ao Letona leka no a phethago, morago ga therišano le Letona la ditšhelete, la phetha gore-
a diroyalthi tšeo di fokoditšwego di lefšwe ke mong wa tokelo ya go epa;
b royalthi efe goba efe yeo e lefšwago ka fase ga karolo 32g e šomišetšwe phatišišo ya mabapi le go ba le mohola ga menerale ofe goba ofe ka Rephaboliking; goba c hlohleletšo ye nngwe ye bjalo e fiwe yeo Letona le Matona a Ditšhelete le Kgwebo le Intasteri ba tla kwanago ka yona.
Ge e le gore Letona, ge le šoma go ya ka keletšo ya Lekgotla, le humana gore menerale woo o itšego o tla ba le mohola wa ikonomi ka Rephaboliking, Letona le ka no godiša go ba le mohola wo bjalo go ya ka mabaka le ditlamo tšeo Letona le ka no di phethago.
Mang goba mang yoo a ikemišeditšego go holegiša menerale ofe goba ofe woo o epšwago ka Rephaboliking ya ka ntle ga Rephaboliki o swanetše go humana tumelelo ya Letona yeo e ngwadilwego fase.
Thušo ka mabaka a tšwetšopele ya ikonomi ya metsemagae le ya gae
Ka tumelelano le Letona la Ditšhelete le morago ga therišano le Letona la Merero ya Profense le Mmušogae, Letona le ka no phetha gore tšhelete yeo e itšego yeo e humanwego go ya ka karolo 23(g) e lefšwe ka go Letlotlo la Tšwetšopele ya Ikonomi ya gae leo le akantšwego ka go sekakarolo .
Letona la Merero ya Profense le mmušogae ba swanetše go hloma le go sepetša Letlotlo la Tšwetšopele ya Ikonomi ya Gae.
Letona la Merero ya Profense le Mmušogae ka tumelo ya Letona le Letona la Ditšhelete, ba swanetše go šomiša tšhelete yeo e lefilwego ka go Letlotlo la Tšwetšopele ya Ikonomi ya Gae gore setšhaba sefe goba sefe se holege goba mmušogae woo o angwago ke moepo, ka mabaka a tšwetšopele ya ikonomi ya metsemagae le ya gae le hlahlošo ya kagišano.
Kgopelo ya, go fiwa le lebaka la phemiti ya moepo
Phemiti ya go epa e ka ntšhiwa fela ge e le gore-
a mothopo wa menerale woo go bolelwago ka wona o ka epšwa gore o fe dipoelo tšeo di kgahlišago lebakeng la mengwaga ye mebedi; le b lefelo la moepo leo go bolelwago ka lona le ka se fete bogolo bja dihektare tše 0.5.
Motho yoo a ratago go dira kgopelo go Letona ya phemiti ya moepo o swanetše go tliša kgopelo-
a kantorong ya Molaodi wa Selete yoo naga e lego seleteng sa gagwe;
b ka mokgwa woo o boletšwego; le c mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore-
a mokgopedi o tsentšhe kgopelo ka mokgwa woo o boletšwego;
b ga go motho yo mongwe yoo a swerego tokelo ya go nyaka diepšane, tokelo ya go epa, phemiti ya go epa goba phemiti ya tshwaro ya menerale woo o tshwanago le naga.
Ge e le gore kgopelo ga e sepelelane le dinyakwa tša karolo ye, Molaodi wa Selete o swanetše go tsebiša mokgopedi ka go ngwala fase ka taba yeo lebakeng la matšatši a 14 kgopelo e humanwe.
Letona le swanetše go ntšha phemiti ya go epa ge e le gore-
a dinywakwa tšeo di akantšwego ka go sekakarolo 1 di kgotsofaditšwe; le b lenaneo la taolo ya tikologo leo le boletšwego le dumeletšwe go ya ka karolo 393.
Mong wa phemiti ya go epa –
a a ka no tsena ka nageng yeo e amango le phemiti ye bjalo le badiredi ba gagwe, gomme a ka no tliša ka nageng yeo didirišwa dife goba dife tšeo di nyakegago go epa;
b go ya ka Molao wa Setšhaba wa Meetse, 1998 Molao No. 36 wa 1998, a ka no šomiša meetse a go tšwa moeding ofe goba ofe wa tlhago woo o lego godimo ga, goba o elela go putla naga ye bjalo goba go tšwa kepong efe goba efe yeo e dirilwego pele gomme e šomitšwa mabaka a go nyaka diepšane goba go epa, goba go epa petse yeo e nyakegago go šomišetšwa tshomišo ya go amana le go nyaka goba go epa, go ya ka moo go tla bego go le ka gona, godimo ga naga ye bjalo; le c o swanetše go lefa diroyalthi tšeo di boletšwego go Mmušo.
a e soma lebaka leo le boletšwego ka gare ga phemiti, leo le se le swanelego go feta lebaka la mengwaga ye mebedi empa le ka no mpšhafatšwa, ga tee, lebaka le lengwe la ngwaga wo tee; le b e ka se šuthišetšwe, ya fiwa, ya hirišwa, ya hirišwa ke yoo a e hirišeditšwego, ya lahlwa goba ya šomišwa bjalo ka poloko goba go thatafatšwa ka mokgwa ofe goba ofe.
Tshedimošo le data mabapi le go epa goba go iša pele dimenerale
Mong wa tokelo ya go epa goba phemiti ya go epa, lefelong la ka Rephaboliking ye, o swanetše go boloka direkhoto tša ditiro tša go epa le tša ditšhelete tša go amana le moepo.
Mong wa tokelo ya go epa goba phemiti ya go epa, goba taolo ya polante ye bjalo ya go iša pele, ka go arogana le moepo o swanetše go iša go Molaodi Pharephare-
a dipoelo tša kgwedi tšeo di boletšwego tša go ba le tshedimošo yeo e nepilego le yeo e nepagetšego le data; le b pegongwaga yeo e hlakišitšwego goba ditaodišo tša ditšhelete tšeo di bontšhago balance sheet le akhaonte ya poelo le tahlegelo.
Maatla a Letona go lebiša dineo tša tshedimošo yeo e itšego goba data
Letona le ka no re, go kgona go fihlelela maikemišetšo a Molao wo, la laela ka go ngwala fase gore tshedimošo yeo e itšego goba data di tlišwe ke-
a mokgopedi wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa, go ya ka moo go tla bego go le ka gona;
b mong ofe goba ofe wa naga yeo go boletšwego ka yona ka go tokelo ya go nyaka, phemiti ya go epa, phemiti ya tshwaro goba phemiti ya go epa, goba kgopelo ya gona.
Kutollo ya tshedimošo
Go ya ka sekakarolo , tshedimošo efe goba efe goba data yeo e tlišwago go ya ka mabaka le ditlamo tša karolo 19, 28 goba 29 di ka no utollelwa mang goba mang-
a gore a fihlelele maikemišetšo afe goba afe ao go boletšwego ka wona ka go karolo 2cv, d goba e;
b go fa maatla tokelo ya go kgona go humana tshedimošo yeo e akantšwego ka go karolo 32 ya Molaotheo; goba c ge e le gore tshedimošo ye bjalo goba data di šetše di filwe setšhaba.
Ga go tshedimošo goba data tšeo di tla utollelwago mang goba mang ge e le gore-
a e na le tshedimošo goba data tša thutamahlale goba tša theknikale tšeo e lego diphiri tša kgwebo goba e le maruo a bohlale bja moabi wa tshedimošo goba data;
b kutollo ya tshedimošo goba data e tla baka goba e ka no baka tshenyo go dikgahlego tšeo di tshwanago tša kgwebo goba tša ditšhelete tša moabi wa tshedimošo goba data; goba c e na le tsedimošo goba data yeo e abilwego ka sephiri ke moabi wa tshedimošo goba data gomme go utollwa ga tshedimošo goba data go ka no-
idira gore moabi a se atlege ditherišanong tša dikontraka goba tše dingwe; goba ii tlhaola moabi mo phadišanong ya kgwebo.
Motho ofe goba ofe yoo a tlišago tshedimošo goba data go ya ka karolo 19, 28 goba 29 o swanetše go tsebiša Molaodi wa Selete yoo a amegago le go šupa gore ke tshedimošo goba data efe yeo e swanetšego go tšewa e le ya sephiri gomme e se e tshwanele go utollwa.
Kgopelo ya phemiti ya tshwaro
Mong ofe goba ofe wa tokelo ya go nyaka diepšane yoo a ratago go dira kgopelo go Letona ya phemiti ya tshwaro o swanetše go tliša kgopelo-
d kantorong ya Molaodi wa Selete yoo naga e lego seleteng sa gagwe;
e ka mokgwa woo o boletšwego; le f mmogo le tefišo ya kgopelo yeo e sa bušetšwego.
Molaodi wa Selete o swanetše go amogela kgopelo ya tokelo ya go epa ge e le gore-
a mokgopedi o tsentšhe kgopelo ya mokgwa woo o boletšwego; le b mokgopedi ke mong wa tokelo ya go nyaka diepšane yeo e amegago.
Go fiwa le lebaka la phemiti ya tshwaro
Letona le ka no ntšha phemiti ya tshwaro ge e le gore mong wa phemiti ya go nyaka diepšane o-
a nyakile godimo ga naga yeo e boletšwego ka gare ga kgopelo;
b feditše ditiro tša go nyaka le thuto ya kgonego;
c o netefaditše go ba gona ga menerale woo go nago le kgonego ya gore o epšwe;
d ithutile mmaraka gomme o humane gore moepo le menerale tšeo go bolewago ka tšona di ka se lokele ikonomi ka baka la maemo a maaraka a nako yeo; le e o šetše morago dikgonegišo tša maswanedi tša Molao wo.
Ge go fiwa phemiti ya tshwaro tokelo ya go nyaka diepšane ya menerale le naga tšeo go bolelwago ka tšona, tokelo ya go nyaka diepšane e a fela.
Go se na taba le sekakarolo 2, lenaneo la taolo ya tikologo leo le dumeletšwego mabapi le tokelo ya go nyaka diepšane le a šoma go se na taba le gore tokelo ya go nyaka diepšane e fetile.
Phemiti ya tshwaro e šoma lebaka la nako leo e boletšwego ka gare ga phemiti, gomme lebaka leo ga se le tshwanele go feta mengwaga ye meraro.
Kgano ya kgopelo ya phemiti ya tshwaro
Letona le ka no gana go fa phemiti ya tshwaro, ge e le gore, ge le tšeela hlogong tshedimošo yeo e filwego ka fase ga karolo 32 le phatišišo yeo e dirilwego ke Lekgotla ka kgopelo ya Letona, go netefatšwa gore-
a Mothopo wa menerale woo o amanago le kgopelo o ka epšwa gomme wa tliša dipoelo;
b mokgopedi ga se a fetše ditiro tša go nyaka le thuto ya kgonego tša maswanedi; goba c go fiwa ga phemiti ye bjalo go tla-
i baka molao wa tlogelo;
iii baka kgobokanyo ya dimenerale ka diatleng tša mokgopedi.
Mpšhafatšo ya phemiti ya tshwaro
Kgopelo ya mpšhafatšo ya phemiti ya tshwaro e swanetše go tlišwa ka mokgwa woo o tshwanago le wa phemiti ya tshwaro ka go karolo 31 gomme e tshwanetše go tsenya-
a pego yeo e mpšhafaditšwego ya mabaka ao a bego a le gona ka nako yeo phemiti e filwego; le b lebaka le mabaka a gore ke ka baka la eng mpšhafatšo e nyakega.
a mong o setše morago dikgonegišo tša maswanedi tša Molao wo le mabaka le ditlamo tša phemiti ya tshwaro; le b maemo ao a akantšwego ka go karolo 321d a sa le gona.
Phemiti ya tshwaro e ka no mpšhafatšwa, ga tee, lebaka leo le sa fetego mengwaga ye mebedi.
Ditokelo le boikgafo bja mong wa phemiti ya tshwaro
Go ya ka sekakarolo , mong wa phemiti ya tshwaro o na le tokelo yeo e tlhaolago go fiwa tokelo ya go epa mabapi le naga yeo go bolelwago ka yona.
a fa maatla lenaneo la taolo ya tikologo le go lefa tefišo ya tshwaro yeo e boletšwego; le b go tliša pego ya tšwelopele kgwedi ye nngwe le ye nngwe ya botshelela go Molaodi wa Selete yeo e bontšhago-
imaemo a mmaraka a nako yeo, thulano ya wona le tlhokego ya tshwaro phemiti ye bjalo ya tshwaro ya menerale le naga tšeo go bolelwago ka tšona; le ii maiteko ao a dirilwego ke mong yo bjalo go netefatša gore tshepetšo ya moepo e thoma pele ga tšatši la bofelo leo go boletšwego ka lona ka go karolo 324 goba 343, go ya ka moo go tla bego go le ka gona.
Phemiti ya tshwaro ga se e tshwanele go šuithišetšwa, go fiwa, go hirišwa, go hirišwa ke yoo a e hirišeditšwego, go lahlwa, go šomišwa bjalo ka poloko goba go thatafatšwa ka mokgwa ofe goba ofe.
Metheo ya taolo ya tikologo
Metheo yeo e hlalošitšwego ka go karolo 2 ya Molao wa Setšhaba wa Taolo ya Tikologo,1998 (Molao No. 107 wa 1998)-
a e šoma go ditshepetšo kamoka tša go nyaka diepšane le tša go epa le taba efe goba efe yeo e amanago le tshepetšo ye bjalo;
b e dira bjalo ka methalohlahli ya phetolelo, tshepetšo le phethagatšo ya dinyakwa tša tikologo tša Molao wo.
Tshepedišo efe goba efe ya go nyaka diepšane goba ya go epa e swanetše go sepetšwa go ya ka maemo ao a lemogwago ka kakaretšo ya tšwelopele yeo e sa felego ka go kopanya dintlha tša leago, ikonomi le tša tikologo le peakanyo le phethagatšo ya diprotšeke tša go nyaka diepšane le tša go epa go netefatša gore hlohlomišo ya methopo ya dimenerale e direla meloko ya bjale le ya išago.
Maikarabelo le taolo ya tikologo tšeo di kopantšwego go phekola
Mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa, o swanetše gore, ka dinako kamoka, a-
a fe maatla maikemišetšo a kakaretšo a taolo ya tikologo yeo e kopantšwego yeo e boletswego ka go Kgaolo 5 ya Molao wa Setšhaba wa Taolo ya Tikologo, 1998 Molao No. 107 wa 1998 le b akanye, nyakišiše le go sekaseka thulano ya go nyaka diepšane goba go epa ga gagwe tikologong bjalo ka ge go akantšwe ka go karolo 247 ya Molao wa Setšhaba wa Taolo ya Tikologo, 1998Molao No. 107 wa 1998;
c laole dithulano kamoka tša tikologo-
igo ya ka lenaneo la gagwe la taolo ya tikologo; le iii bjalo ka karolo ye bohlokwa ya tshepetšo ya go nyaka diepšane goba ya go epa, ka ntle le ge Letona le laela ka mokgwa wo mongwe;
d go ya ka mokgwa woo o kgonegago, go tsošološa tikologo yeo e amilwego ke ditshepetšo tša go nyaka goba tša go epa gore e be seemong sa yona sa tlhago goba go tšhomišo ya naga yeo e sepelanago le mogopolo woo o amogelegago ka kakaretšo wa tšwelopele yeo e sa felego;le e o rwele maikarabelo a tshenyo efe goba efe ya tikologo, tšhilafatšo goba nyenyefatšo ya ikholotši yeo e bakilwego ke ditshepetšo tša gagwe tša go nyaka diepšane goba tša go epa tšeo di ka no diregago ka ntle ga mellwane ya lefelo leo le boletšwego ka gare ga phemiti.
Lenaneo la taolo ya tikologo
Mang le mang yoo a dirilego kgopelo ya tokelo ya go nyaka go epa, tokelo ya go epa goba phemiti ya moepo go ya ka karolo 14, 20 goba 27 o swanetše go tliša lenaneo la taolo ya tikologo lebakeng la matšatši a 120 go tloga ka tšatši leo a tsebišitšego Letona go dira ka mokgwa woo.
Mokgopedi yoo a lokišago lenaneo la taolo ya tikologo o swanetše go-
inetefatša motheo wa tshedimošo yeo e amanago le tikologo yeo e amegago go phetha tšhireletšo, dikgato tša phekolo le maikemišetšo a taolo ya tikologo;
ii nyakišiša, go sekaseka le go lekanyetša thulano ya ditshepetšo tša gagwe tša go nyaka diepšane goba tša go epa tšeo a di šišintšego-
ii mabaka a leago dipolotiki a motho ofe goba ofe yoo a ka angwago thwii ke tshepetšo ya go nyaka diepšane goba ya go epa; le iii bohwa bja setšhaba bjalo ka ge bo hlalošitšwe ka go karolo 32 ya Molao wa Methopo ya Bohwa bja Setšhaba Molao No. 25 wa 1999, ka tlogelo ya gore bohwa bja setšhaba bjo akantšwego ka go karolo 32Iiv le vii tša Molao woo.
c tšwetša pele maano a temogo ya tikologo ao a hlalošago ka moo mokgopedi a ikemišeditšego go tsebiša badiredi ba gagwe ka diphonkgelo dife goba dife tša tikologo tšeo di ka no bakwago ke mošomo wa bona le ka moo diphonkeglo tšeo di swanetšego go ahlaahlwa gore go phefšwe tšhilafatšo goba nyenyefatšo ya tikologo.
d hlaloša ka moo a ikemišeditšego go-
ifetola, go phekola go laola goba go emiša tiro efe goba efe yeo e bakago tšhilafatšo goba nyenyefatšo ya tikologo;
ii laola goba go phekola tšeo di bakago tšhilafatšo goba nyenyefatšo le khudugo ya ditšhilafatšo; le iiišala morago maemo ao a boletšwego a ditšhila goba maemo a taolo goba ditiro.
a Go ya ka temana b, Letona le swanetše gore, lebakeng la matšatši a 120 go tloga ka tšatši leo lenaneo la taolo ya tikologo le tlišitšwego, le dumelele lenaneo la taolo ya tikologo ge e le gore-
ile šala morago dinyakwa tša sekakarolo 2;
ii mokgopedi o šetše morago karolo 411; le iiimokgopedi o na le bokgoni goba o kgonegišitše bokgoni bja go tsošološa le go laola dithulano tšeo di sa kgahlišego go tikogo.
bLetona le ka no se dumelele lenaneo la taolo ya tikologo ka ntle le ge le tšeetše hlogong-
iditšhišinyo dife goba dife ka Komiti ya Selete ya Tšwetšopele ya Meepo le Tikologo;
ii diswayaswayo tša kgoro efe goba efe ya Mmušo yeo e filwego maikarabelo a tshepetšo ya molao ofe goba ofe woo o amanago le merero yeo e amago tikologo.
Letona le ka no kgopela tshedimošo ye nngwe go motho yoo a akantšwego ka go sekakarolo 1 gape le ka no lebiša lenaneo la taolo ya tikologo leo go bolelwago ka lona gore le fetolwe ka mokgwa woo Letona le nyakago.
a Ka nako ye nngwe le ye nngwe, morago ga ge a dumeletše lananeo la taolo ya tikologo, le morago ga therišano le mong wa tokelo ya go nyaka, tokelo ya go epa goba phemiti ya go epa yeo go bolelwago ka yona, Letona le ka no dumelela lenaneo la taolo ya tikologo leo le fetotšwego.
bKa mabaka a temana a, sekakarolo 3 se šoma le diphetogo tšeo di hlokegago.
Therišano le dikgoro tša mmušo
Ge go akanywa ka lenaneo la taolo ya tikologo go ya ka karolo 39, Letona le swanetše go rerišana le Kgoro efe goba efe ya mmušo yeo e sepetšago molao ofe goba ofe wa go amana le merero yeo e amago tikologo.
Letona le swanetše go kgopela hlogo ya kgoro yeo e rerišwago ka go ngwala fase go tliša diswayaswayo tša Kgoro yeo lebakeng la matšatši a 60 go tloga ka tšatši la kgopelo.
Kgonegišo ya ditšhelete tša go phekola tshenyo ya tikologo
Mong wa tokelo ya go nyaka diepšane, tokelo ya go epa goba phemiti ya go epa, o swanetše gore, pele ga ge Letona le dumelela lenaneo la taolo ya tikologo go ya ka karolo 39 , a dire kgonegišo ya ditšhelete yeo e boletšwego ya tsošološo goba taolo ya dithulano tša tikologo tšeo di sa kgahlišego.
Ge mong a ka palelwa ke go tsošološa goba go laola, goba a sa kgone go phethagatša tsošološo ye bjalo goba go laola dithulano dife goba dife tša go se kgahliše tša tikologo, ka go fa mong yo bjalo tsebišo yeo e ngwadilwego fase, Letona le ka no šomiša karolo goba kamoka ga kgonegišo ya ditšhelete yeo e akantšwego ka go sekakarolo 1 go tsošološa goba go laola thulano ya tikologo yeo go boletšwego ka yona.
Ge kgonegišo ya tšhelete yeo e akantšwego ka go sekakarolo 1 goba karolo efe goba efe ya gona e šomišitšwe bjalo ka ge go akantšwe ka go sekakarolo 2, goba ge Letona le phetha gore, ka baka la tshenyo yeo e bakilwego goba yeo e ka no bakwago, kgonegišo ya tšhelete ga se e lekane, tšhelete ye nngwe, yeo e badilwego mong le go dumelelwa ke Letona, e swanetše go fiwa mong yo bjalo.
Senyakwa sa go boloka le go swara kgonegišo ya tšhelete se a šoma go fihla ge Letona le ntšha setifikeiti sa tokollo go ya ka karolo 43 go mong yo bjalo.
Taolo ya mekgobo ya mašaledi le mogogolwa wa mašaledi
Mekgobo ya mašaledi le mogogolwa wa mašaledi di swanetše go laolwa ka mokgwa woo o boletšwego setsheng sefe goba sefe ka lebaka leo ka go lenaneo la taolo ya tikologo leo go bolelwago ka lona.
Ga go motho yoo a swanetšego go lahla mokgobo wa mašaledi goba mogogolwa ma mašaledi nakwana goba leruri setsheng sefe goba sefe ntle le setsheng seo se akantšwego ka go sekakarolo 1.
Setifikeiti sa tokollo
Mong wa tokelo ya go nyaka diepšane, tokelo ya go epa phemiti ya tshwaro goba phemiti ya go epa o dula a rwele maikarabelo a tshenyo efe goba efe ya tikologo, tšhilafatšo goba nyenyefatšo ya ikholotši, le taolo ya gona, go fihla ge Letona le ntšhitše setifikeiti sa tokollo go mong yoo a amegago.
Ka kgopelo yeo e ngwadilwego fase ya tokelo ya go nyaka diepšane, tokelo ya go epa goba phemiti ya go epa ka mokgwa woo o boletšwego, Letona le ka no šuthišetša merwalo ya tikologo le maikarabelo, go ya ka moo di tla bego di šupilwe ka gona ka go lenaneo la taolo ya tikologo le maano afe goba afe a kutollo ao a boletšwego go motho wa go ba le mangwalo ao a boletšwego.
Mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa goba motho yoo a akantšwego ka go sekakarolo 2, go ya ka moo go tla bego go le ka gona, o swanetše go dira kgopelo ya setifikeiti sa tokollo ge-
a phemiti ya gagwe e feta, e lahlwa goba e fedišwa b go emišwa ga tshepetšo ya gagwe ya go nyaka diepšane goba ya go epa;
c go neelwa ga karolo efe goba efe ya lefelo la go nyaka diepšane goba la go epa; goba d go fetšwa ga maano ao a boletšwego a go tswalela ga lefelo la go nyaka diepsane goba la go epa.
Kgopelo ya setifikeiti sa tlogelo e swanetše go dirwa go Molaodi wa Selete yoo naga e lego seleteng sa gagwe lebakeng la matšatši a 180 a go hlaga ga go feta, go lahlwa, go fedišwa, go emišwa, go neelwa goba tsošološo yeo e akantšwego ka go sekakarolo 3 gape e sepele le pego ya diphonkgelo tša tikologo yeo e boletšwego.
Ga go setifikeiti sa tlogelo seo se tla fiwago ka ntle ge ge Mohlahlobi Mogolo le Kgoro ya Merero ya Meetse le tša Dikgwa ba netefaditše ka go ngwala fase gore dikgonegišo tša go amana le maphelo le polokego ya tšhilafatšo yeo e kgonegago go methopo ya meetse e ahlaahlilwe.
Ge letona le ntšha setifikeiti sa tlogelo, le swanetše go bušetša karolo ya kgonegišo ya ditšhelete yeo e akantšwego ka go karolo 41 ka ge e ka no ba e sa šomišwe go mong wa tokelo ya go nyaka diepšane, tokelo ya go epa, phemiti ya tshwaro goba phemiti ya go epa.
Go tlošwa ga meago, dipopego le dilo tše dingwe
Ge tokelo ya go nyaka diepšane, tokelo ya go epa, phemiti ya tshwaro goba phemiti ya go epa e feta, e fedišwa goba e lahlwa goba tshepetšo efe goba efe ya go nyaka diepšane goba ya go epa e fela, mong wa tokelo efe goba efe ye bjalo ga se a swanele go senya goba go tloša moago ofe goba ofe, popego goba selo-
a seo e lego gore, go ya ka molao ofe goba ofe, ga se se swanele go thubiwa goba go tlošwa;
b seo se šupilwego ka go ngwalwa fase ke Letona ka mabaka a karolo ye; goba c seo se swanetšego go bolokwa go ya ka kwano gare ga moswari le mong goba modudi wa naga, gomme kwano yeo e netefaditšwe ke Letona ka go ngwala fase.
Maatla a Letona go tloša ditshenyegelo ge go ena le magato a tšhoganetšo a phekolo
Ge tshepetšo efe goba efe ya go nyaka diepšane goba ya go epa e baka goba e dira gore go be le nyenyefatšo ya ikholotši, tšhilafatšo goba tshenyo ya tikologo yeo e ka no gobatšago maphelo goba go ba gabotse gwa mang le mang gomme e nyaka magato a tšhoganetso a phekolo, letona le ka no lebiša mong go tokelo goba phemiti ya maswanedi go-
a nyakišiša, go lekanyetša, go sekaseka le go bega ka thulano ya tšhilafatšo efe goba efe goba nyenyefatšo ya ikholotši;
b tšea magato ao a tla bago a šupilwe ka gare ga taelo yeo; le c go fetša magato a bjalo pele ga tšatši leo le boletšwego ka gare ga taelo.
a Ge mong a palelwa ke go šala morago ditaelo, Letona le ka no tšea magato ao a hlokegago go šireletša maphelo le go ba gabotse ga motho ofe goba ofe yoo a amegago goba go phekola nyenyefatšo ya ikholotši le go emiša tšhilafatšo ya tikologo.
a Pele Letona le diragatša magato afe goba afe, o swanetše go dumelela mong sebaka sa gore a dire ditlhagišo go yena.
b Letona le ka no šomiša ditšhelete tšeo di abetšwego lebaka leo ke Palamente go diragatša magato ao a akantšwego ka go temana a.
c Letona le swanetše go humana ditšhelete tšeo di šomišitšwego go ya ka temana © go tšwa go mong yoo a amegago.
Maatla a Letona go phekola tshenyo ya tikologo mabakeng a mangwe
Ge Letona le laela gore magato ao a akantšwego ka go karolo 45 a swanetše go tšewa go thibela tšhilafatšo goba nyenyefatšo ya ikholotši ya tikologo goba go tsošološa ditiragalo tša go ba kotsi empa a netefatša gore mong wa tokelo ya go nyaka dimenerale ya maswanedi, tokelo ya go epa, phemiti ya tshwaro goba phemiti ya go epa go ya ka moo go tla bago go le ka gona, goba yoo a mo latelago ka thaetlele, o hlokofetše goba a ka se kgone go humanwa, goba, lebakeng la motho wa taolelo, ga a sa le gona, ga a sa na tšhelete goba ga a kgone go humanwa, Letona le ka no laela Molaodi wa Selete yoo a amegago go tšea magato ao a tlhokegago go thibela tšhilafatšo ya go ya pele, goba go dira gore lefelo le bolokege.
Magato ao a akantšwego ka go sekakarolo 1 a swanetše go lefelelwa go tšwa go kgonegišo ya ditšhelete yeo e dirilwego ke mong ya tokelo ya maswanedi ya go nyaka diepšane, tokelo ya go epa, phemiti ya tshwaro goba phemiti ya go epa go ya ka karolo 41, goba, ge e le gore ga go na kgonegišo ye bjalo goba ge e le gore ga se e lekane, go tšwa go tshelete yeo e beetšwego mabaka a bjalo ke Palamente.
a Morago ga go fetša magato ao a akantšwego ka go sekakarolo 1, Molaodi wa Selete yoo a akantšwego ka go sekakarolo seo o swanetše go dira kgopelo go morejistara yoo a amegago gore mangwalo a naga yeo go bolelwago ka yona a netefatšwe gore naga ye bjalo e phekotšwe bjalo ka ge go akantšwe ka go sekakarolo 1.
c Morejistra yoo a amegago, o swanetše gore, ge a humana kgopelo ye bjalo yeo e akantšwego ka go temana a, a dire dinetefatšo tše bjalo tšeo a bonago di tlhokega gore a fe maatla dikgonegišo tša temana yeo, gomme ga go tefišo ya kantoro goba ye nngwe yeo e lefšwago go morejistara mabapi le netefatšo ye bjalo.
Maatla a Letona go fega goba go fediša tokelo ya go nyaka diepšane, tokelo ya go epa, phemiti ya go epa goba phemiti ya tshwaro
Go ya ka dikakarolo , le , Letona le ka no fediša goba la fega tokelo efe goba efe ya go nyaka diepšane, tokelo ya go epa, phemiti ya moepo gona phemiti ya tshwaro ge e le gore mong wa yona-
a o sepetša tshepetšo ya go nyaka diepšane goba ya go epa ka mokgwa woo o tlolago Molao wo;
b o roba mabaka le ditlamo dife goba dife tša tokelo ye bjalo;
c ga a nyake diepšane goba go epa mothopo wa menerale ka moo go fago dipoelo tše kaone kudu;
d o tlola lenaneo la taolo ya tikologo leo le dumeletšwego; goba e o tlišitše tshedimošo yeo e sa nepegago, yeo e fošagetšego le yeo e sego ya nnete mabapi le taba efe goba efe yeo e nyakegago gore e tlišwe ke Molao wo.
Pele ga go dira ka fase ga sekakarolo 1, Letona le swanetše go-
a fa tsebišo yeo e ngwadilwego fase go mong yeo e bontšhago maikemišetšo a go fega goba go fediša tokelo;
b hlaloša gore ke ka baka la eng a akanya go fega goba go fediša tokelo; le c fa mong sebaka sa go bontšha gore ke ka baka la eng tokelo ya go nyaka diepšane goba tša go epa e swanetše go fegwa goba go fedišwa.
Letona le ka no laela mong go tšea magato ao a boletšwego go phekola kganetšo efe goba efe, tlolo goba palelo.
Ge mong a sa šale morago ditaelo tšeo di filwego ka fase ga sekakarolo 3, Letona le ka no dira ka fase ga sekakarolo 1 kgahlanong le mong morago ga go-
a fa mong sebaka sa go dira ditlhagišo; le b tšeela hlogong ditlhagišo dife goba dife tše bjalo.
Ka tsebišo yeo e ngwadilwego fase, Letona le ka no fediša phego ge e le gore mong-
a o šala morago taelo yeo e akantšwego ka go sekakarolo 3; goba b fa mabaka a go kwala a go fedišwa ga phego.
Kgaoletšo goba kganetšo ya go nyaka diepšane goba go epa nageng ye nngwe
Go ya ka karolo 20 ya Molao wa diphaka tša Setšhaba, 1976 (Molao No. 57 wa 1976), le sekakarolo , ga go tokelo ya go nyaka diepšane, tokelo ya go epa goba phemiti ya go epa yeo e swanetšego go ntšhwa mabapi le-
a naga yeo e nago le lekeišene;
b tsela efe goba efe ya setšhaba, seporo goba mabitla c lefelo le fe goba le fe leo le šomišwago mabakeng a setšhaba goba a mmušo goba le beilwe go ya ka molao o fe goba o fe:
goba d mo lefelong leo le kgethilwego ke Letona ka tsebišo ka gare ga Kasete go ya ka karolo ya 49.
tokelo ya teko-nyakišišo, tokelo ya go epa, goba tumelelo ya go epa di ka fiwa mabapi le lefelo leo le boletšwego go karolwana ya 1 ge Letona le kgotsofetše gore –
a ge go elwa hloko tšweletšo yeo e šomegago ya methopo ya minerale yeo le dikgahlego tša setšhaba, go a nyakega go ka fana ka yona;
b teko-nyakišišo, le go epa go tla dirwa ka gare ga melaotshepetšo ya taolo ya tikologo ya bosetšhaba, melaosetšo le maemo; le c gore go fana ka ditokelo le ditumelelo tšeo go ka se ame gampe dikgahlego tša mong tokelo ya nyakišišo goba tokelo ya go epa.
Matla a Letona go ganetša goba go bea mapheko a go dira diteko nyakišišo goba go epa
Go ya ka karolwana ya , Letona le ka re nako le nako ka tsebišo ka go Kasete, a etše hloko dikgahlego tša bosetšhaba le nyakego ya tšweletšo yeo e šomegago ya methopo ya minerale, a ganetša goba a bea mapheko go tumelelo ya tokelo ya teko nyakišišo e fe goba e fe, tokelo ya go epa goba tumelelo ya go epa mabapi le lefelo leo le kgethilwego ke Letona, nakong yeo le mabakeng ao le magoreng ao a ka bewago ke Letona.
Tsebišo yeo e boletšwego ka go karolwana ya 1 ga e ame diteko nyakišišo tša godimo goba ka tlase ga lefase, tšeo letšatšing la tsebišo e lego morero wa tokelo ya teko nyakišišo, tokelo ya go epa, tokelo ya go ba mong goba tumelelo ya go epa.
Letona le ka nyakišiša tiragalo, mokgwa le bontši bja methopo ya dimenerale
Letona le ka dira gore go dirwe dinyakišišo lefelong le fe goba le fe go netefatša ge e le gore go na le tlholego ya dimenerale goba maswika a mangwe ka godimo le ka tlase ga lefelo leo, mme ge go le bjalo, la go netefatša mohuta le bontši bja tšona.
Letona le swanetše go hlatswa mong naga yo a amegago diatla ge e le gore go na le ditshenyagalelo le tshenyego tšeo di diregilego nakong ya dinyakišišo tšeo di boletšwego ka go karolwana ya 1.
b Letona le mong naga ba ka kwana ka hlatswadiatla yeo e swanetšego go lefelwa.
c Ge go se na kwano yeo e fihleletšwego, tšhelete ya hlatswadiatla e swanetše go bewa ke ba tamolo ya dikgagano go ya ka Molao wa Tamolo, 1965 Molao wa Nomoro ya 42 wa 1965, goba ke kgoro ya tsheko yeo e nago le bokgoni, ge mong naga a ikgethela bjalo.
Ga go dinyakišišo tšeo di swanetšego go dirwa ka tlase ga karolwana ya 1 ntle le ge -
a Letona le tsebagaditše ka go Kasete –
i a bontšha maikemišetšo a go dira dinyakišišo ii a mema ditshwaetšo tšeo di ngwetšwego ka ga dinyakišišo tšeo di šišintšwego, a bontšha aterese yeo le letšatši leo ditshwaetšo di swanetšego go išwa; le iii go ipiletša go mong naga, modudi, goba motho yo a laolago lefelo leo go fana ka dintlha tša gagwe go Letona, ge mong naga, modudi, goba motho yo a laolago a sa tsebje ke Letona;
b Letona le šetše le senkile ditshwaetšo tšeo di amogetšwego; mme c lebaka la matšatši a 30 le fetile go tloga mola Letona le kwalakwatšago tsebišo.
a Ga go motho yo, ka mabaka a dinyakišišo tšeo di boletšwego ka go karolwana ya 1, a ka tsenago lefelong ntle le ge mong naga, modudi, goba motho yo a laolago lefelo leo a tsebišitšwe ka go ngwala ka ga maikemišetšo a go tsena le go dira dinyakišišo.
b Ge mong naga, modudi, goba motho yo a laolago lefelo leo le angwago, a sa kgone go hwetšwa, kgatišo ya tsebišo yeo e boletšwego ka go temana ya a e swanetše go bewa mo e bonagalago lefelong leo pele go dirwa dinyakišišo.
Nyakišišo e fe goba e fe go ya ka karolo e swanetše go dirwa ka mokgwa wo e beago mapheko goba e thibelago ditlamorago di fe goba di fe go lefelo le tikologo.
Go epa methopo ya diminerale ka tlhokomelo
(!) Go ya ka karolwana ya , Lekgotla le ka šišinya go Letona go laela mong tokelo ya go epa go tšea magato a tokišo ge Lekgotla le netefatša gore diminerale ga di epje ka tshwanelo le gore go tšwetša pele ka mediro yeo go tla ba le ditlamorago tše mpe tšeo di tla amago maikemišetšo ao a bolelwago go karolo ya 2(f).
pele go dirwa ditšhišinyotaelo, Lekgotla le swanetše go ela hloko gore methopo ya seteginiki le ya ditšhelete ya mong tokelo ya go epa yoo a amegago le maemo a nako yeo a mmaraka a sepelelana le ditšhišinyotaelo tšeo.
a Ge Letona le dumelelana le ditšhišinyotaelo tšeo, o swanetše gore matšatšing a 30 go tloga mola a hwetšago ditšhišinyotaelo tša Lekgotla, ka go ngwala a tsebiše mong gore o swanetše go tšea magato a tokišo bjalo ka ge a beilwe ka go tsebišo mme o swanetše go lokiša maemo ao lebakeng leo le boletšwego ka go tsebišo.
b Letona le swanetše go fa mong sebaka sa go ala taba ya gagwe mabapi le dikutollo tša Lekgotla matšatšing a 60 go tloga letšatšing la tsebišo mme a bontšhe gore ge a sa obamele tsebišo, seo se ka hlola gore tokelo ya gagwe ya go epa e fegwe goba e phumulwe.
Letona le ka, ka ditšhišinyotaelo tša Lekgotla, fega goba la phumula tokelo ya go epa ge -
a mong wa tokelo yeo ya go epa a retelelwa ke go obamela tsebišo yeo e bolelwago ka go karolwana ya 3; le b ge, a etše hloko ditlhalošo tša mong, Letona le kgotsofetše gore modiro o fe goba o fe goba tlogelo ya mong e netefatša phego goba phumulo ya tokelo
Letona le ka, ka ditšhišinyotaelo tša Lekgotla, fediša phego ya tokelo ya go epa ge mong yo a amegago a -
a obamela tsebišo yeo e bolelwago ka go karolwana ya 3b; goba b fana ka mabaka ao a kgotsofatšago go ka fediša phego.
Tsebišo ya dipoelo le phokotšo ya mediro ya go epa yeo e amago bašomi
mong tokelo ya go epa o swanetše go tsebiša Lekgotla ka mokgwa wo o beilwego –
a mo maemo a ekonomi a nakong yeo a hlolago poelo go rešio ya matlotlo a moepo wo o amegago go ba ka tlase ga diperesente tše tshelelago ka kakaretšo lebakeng leo le tšwelago pele la dikgwedi tše 12; le b ge modiro o fe goba o fe wa go epa o swanetše go fokotšwa goba go emišwa ka dikgonagalo tša gore diperesente tše 10 goba go feta tša matla a bašomi goba bašomi ba go feta 500, se sengwe seo se ka fetago fao, ba ka swanelwa ke go fokotšwa lebakeng la dikgwedi tše 12.
Lekgotla le swanetše go nyakišiša khuetšo ya ditlhalošo tša seemo seo se bolelwago go karolwana ya 1 go tša ekonomi le phedišano le tša mešomo, mme le dire ditšhišinyotaelo go Letona.
a Letona le ka, ka tšhišinyo ya Lekgotla morago ga go ikopanya le Letona la tša Mešomo, laela ka go ngwala gore mong tokelo ya go epa yo a amegago a tšee magato a tokišo go ya ka ditaelo le magora ao a tlago laelwa ke Letona.
b Mong tokelo ya go epa o swanetše go obamela ditaelo mme a netefatše ka go ngwala gore magato a tokišo a diragaditšwe.
Tšhomišo ya ditokelo tša bogodimo bja lefase kgahlanong le maikemišetšo a Molao
Go ya ka karolwana ya , motho o fe goba o fe yo a akanyago go šomiša bogodimo bja lefelo ka mokgwa wo mongwe wo o lego kgahlanong le Molao wo goba wo o ka thibelago maikemišetšo ao, o swanetše go dira kgopela go Letona ka mokgwa wo o beilwego.
Karolwana ya 1 ga e ame –
a temo le tšhomišo e fe goba e fe yeo e swanago le yeo;
b tšhomišo ya lefelo le fe goba le fe leo le lego ka gare ga lenaneo la peakano ya toropo;
c tšhomišo ya lefelo go ya ka magora, ditirelo, tshwaraganyo ya motoketši mortgage bond goba tokelo e fe goba e fe yeo e ngwadišitšwego mabapi le bong bja lefelo leo;
d tšhomišo e fe goba e fe yeo Letona le ka e laelago ka tsebišo ka go Kasete.
Ntle le karolwana ya 1, Letona le ka re ka thato ya gagwe, a dira gore go nyakišišwe ge e le gore go na le kgonono ya gore motho o nyaka go šomiša bgodimo bja lefelo mo go tla hlolago kamego ye mpe ya go epa methopo ya minerale.
Ge dinyakišišo di dirwa go ya ka karolwana ya 3, Molaodi wa Retšene o swanetše gore -
a ka tsebišo yeo e ngwetšwego yeo e filwego motho yo a amegago, a tsebiše motho yo a gononelwago le ka maikemišetšo a Letona a go ntšha taelo ya go tšea magato a tokišo;
b a bee magato ao a swanetšego go tšewa go lokiša taba yeo; le c go fa motho yoo sebaka sa go ikarabela mo lebakeng leo le beilwego ka go tsebišo, leo le ka se bego ka tlase ga matšatši a 30.
Ka morago ga go ela hloko dipoelo tša dinyakišišo tšeo di bolelwago ka go karolwana ya 3, le dithlalošo tšeo di bolelwago ka go karolwana ya 4c, Letona le ka laela motho yo a amegago go tšea magato ao a swanetšego lebakeng leo le beilwego ka go taelo.
Hlatswadiatla yeo e lefelwago ka tlase ga mabaka a itšeng
Mong tokelo ya diteko nyakišišo, tokelo ya go epa goba tumelelo ya go epa o swanetše go tsebiša Molaodi wa Retšene yo a amegago ge e le gore mong yoo o thibelwa go thoma mediro ya doteko nyakišišo goba ya go epa ka lebaka la gore mong goba modudi wa semolao wa lefelo leo le amegago –
a o gana go dumelela mong yoo go tsena lefelong;
b o bea dinyakwa tšeo di sa amogelegego go hwetša tsela ya go tsena lefelong; goba c ga a hwetšagale go ka kgopelwa tumelelo ya go tsena
Molaodi wa Retšene o swanetše gore ka matšatši a 14 go tloga go letšatši la tsebišo leo le bolelwago ka go karolwana ya 1, a bitše mong wa lefelo goba modudi wa semolao wa lefelo go-
a hlagiša tlhalošo mabapi le dintlha tšeo di hlagišitšwego ke mong tokelo ya diteko nyakišišo, tokelo ya go epa goba tumelelo ya go epa;
b tsebiša mong yoo goba modudi ka ga ditokelo tša mong tokelo ya diteko nyakišišo, tokelo ya go epa goba tumelelo ya go epa tšeo di bolelwago ka go diripa tša 5, 17, 23 le 275.
c Hlaloša dikgontšhi tša Molao wo tšeo mong yoo goba modudi woo a di tshelago; le d go tsebiša mong yoo goba modudi ka ga magato ao a ka tšewago, ge a ka tšwela pele ka go tshela ditlhalošo tša dikgontšhi.
Ge Molaodi wa Retšene, morago ga ge a etše hloko dintlha tšeo di hlagišitšwego ke mong ka tlase ga karolwana ya 1 le ditlhalošo di fe goba di fe tšeo di dirilwego ka go ngwalwa le mong wa lefelo goba modudi wa semolao wa lefelo, a phetha ka gore mong lefelo goba modudi o hloletšwe goba o tla hlolelwa ditshenyagalelo le tshenyego ka lebaka la mediro ya diteko nyakišišo goba ya go epa, o swanetše go kgopela mahlakore ao a amegago go leka go fihlelela kwano ya go lefela hlatswadiatla ya ditshenyagalelo le tshenyego yeo.
Ge mahlakore a palelwa ke go fihlelela kwano, hlatswadiatla e swanetše go bewa ke molamodi go ya ka Molao wa Bolamodi, 1965 Molao wa 42 wa 1965, goba ke kgoro ya tsheko yeo e nago le bokgoni ge lehlakore le lengwe le kganyoga bjalo.
Ge Molaodi wa Retšene, a etše hloko dintlha tšeo di hlagišitšwego ke mong ka tlase ga karolwana ya 1 le ditlhalošo di fe goba di fe tšeo di dirilwego mong wa lefelo goba modudi wa semolao wa lefelo, a bona gore dipoledišano di fe goba di fe tša go iša pele di ka ama maikemišetšo a Molao wo gampe ao a bolelwago go karolo ya 2c, d, f goba g, Molaodi wa Retšene a ka šišinya go Letona gore lefelo leo le tšewe go ya ka karolo ya 55.
Ge Molaodi wa Retšene a bona gore go retelelwa ga mahlakore go fihlelela kwano goba go rarolla kgagano ke ka lebaka la phošo ya mong tokelo ya diteko nyakišišo, tokelo ya go epa goba tumelelo ya go epa, Molaodi wa Retšene a ka re ka go ngwala a thibela mong yoo go thoma goba go tšwela pele ka mediro ya diteko nyakišišo goba ya go epa mo lefelong leo le amegago go fihlela nako yeo kgagano e rarollwa ke ba tamolo goba kgoro ya tsheko yeo e nago le bokgoni.
Matla a Letona go tšea thoto mabakeng a go dira diteko nyakišišo goba go epa
Ge go hlokagala mabakeng a go fihlelela maikemišetšo a Molao wo, Letona le ka, go ya ka karolo ya 25 le sa Molaotheo, tšea lefelo goba tokelo e fe goba e fe ya lona mme a lefa hlatswadiatla mabapi le seo.
a Diripa tša 6, 7 le 91 tša Molao wa Tšewo ya Naga, 1975 Molao wa Nomoro ya 63 wa 1975, o šoma go tšewo e fe goba e fe go ya ka Molao wo.
b Mo seripeng seo se boletšwego, "Letona" e swanetše go kwešišwa e le Letona.
KGAOLO YA 5
LEKGOTLA LA DIMENERALE LE TŠWETŠOPELE YA GO EPA
Tlhamo ya Lekgotla la Dimenerale le Tšwetšopele ya go Epa
Lekgotla la Dimenerale le Tšwetšopele ya go Epa le a hlangwa.
Mošomo wa Lekgotla
Lekgotla -
a le swanetše go eletša Letona ka -
i morero o fe goba o fe wo o swanetšego go išwa go Lekgotlake goba ka tlase ga Molao wo;
ii tšweletšo yeo e šomegago ya methopo ya setšhaba ya dimenerale;
iii kagoleswa le phokotšo ya intaseteri ya dimenerale le meepo;
iv tharollo ya dingangišano; le v merero ye mengwe yeo e lego mabapi le tša taolo ya Molao wo bjalo ka ge Letona le ka e fetišetša go Lekgotla; gape b le ka -
i bega go Letona ka ga morero o fe goba o fe wo o amanago le tiragatšo ya Molao wo; le ii go nyakišiša ka ga pego yeo e išwago go Letona ka ga merero ya mabapi le maikemišetšo a Molao wo.
Lekgotla le swanetše go fa maemo a pele merero yeo e fetišetšwago go lona ke Letona.
Sebopego sa Lekgotla
Lekgotla le na le maloko ao a sego ka tlase ga 14 mme a sa fete 18
Letona le swanetše go thwala bjalo ka maloko a Lekgotla -
a Modulasetulo b Mohlahlobi Mogolwane c Batho bao ba sa fetego ba 12 bao ba emetšego kgoro ya Mmušo yeo e amegago, ba tša mešomo yeo e itlhophilego, ba kgwebo yeo e itlhophilego, mokgatlo o fe goba o fe wo e sego wa mmušo wo o amegago le mokgatlo o fe goba o fe wa selegae wo o amegago; le d Batho bao ba sa fetego ba bane bao ba nago le boitemogelo bja maleba, botsebi goba bokgoni go thuša bokgoni bja Lekgotla go diragatša mešomo ya lona ka bokgwari.
Maloko a Lekgotla a swanetše go kgetha mothuša modulasetulo go tšwa go bao ba lego gona kopanong ya bona ya mathomo.
Go kgaolwa ga maloko
Ga go motho yo a swanetšego go kgethwa bjalo ka leloko la Lekgotla -
a ntle le ge e le modudi wa Afrika Borwa yo a dulago mono Repapoliki go ya go ile; goba b ge e le gore –
i o lahlegetšwe ke ditšhelete mo a ke hlwelego a hwetša thušo;
ii o tsebagaditšwe a sa felela ka hlogong ke kgoro ya mono Repapoliki;
iii o ile a swarwa ka molato wo a o dirilego ka morago ga go tsenya tirišong Molaotheo wa Repapoliki ya Afrika Borwa, 1993 Molao wa Nomoro ya 200 wa 1993, mme a išwa kgolegong ntle le tefo, ntle le ge motho a hweditše tumelelo ya tshwarelo goba tshwarelo thwii pele ga letšatši la thwalo ya gagwe.
Go tlogela kantoro
Leloko la lekgotla le swanetše go tlogela kantoro ya gagwe ge a -
a kgaolwa go ya ka mo go hlalošwago go karolo ya 59, goba mo mabakeng a mohlankedi yo a šomelago Mmušo, e sa hlwele e le mohlankedi;
b sa iponatša kopanong ya go feta e tee goba tše pedi tša Lekgotla ka go latelana ntle tumelelo ya Lekgotla;
c fana ka tebogo ya mošomo ka go ngwala go Letona mme Letona le dumela tebogo ya mošomo; goba d tlošitšwe kantorong ke Letona ka tlase ga karolwana ya 2.
Letona le ka tloša leloko le fe goba le fe la Lekgotla kantorong –
a ka mabaka a maitshwaro mabe goba go se na bokgoni bja go diragatša mošomo wa kantoro ya gagwe ga botse; goba b ge e le gore leloko le ikamagantše le mediro ye mengwe yeo e ka amago botshepegi bja Lekgotla gampe, mediro yeo e ka akaretša –
i gore go dirwe dinyakišišo, tsheko goba sephetho mabapi le morero wo motho yoo a nago le dikgahlego tša ditšhelete go wona goba dikgahlego tša gagwe ka yena;
ii go diriša ga poraebete ga, goba go hwetša dipoelo go tshedimošo ya sephiri yeo e hweditšwego ka go šoma mešomo ya gagwe bjalo ka leloko la Lekgotla; goba iii go utolla tshedimošo yeo e bolelwago go temana ya ii go motho o fe goba o fe wa boraro, ntle le ge go nyakwa ke goba ka tlase ga Molao wo goba Molao wa go Kgontšha Phihlelelo go Tshedimošo, 2000 Molao wa Nomoro ya 2 wa 2000.
Lebaka la kantoro le go tlatša dikgoba
Leloko la Lekgotla le ba kantorong lebaka la go se fete mengwaga ye meraro
Letona le ka thwala gape leloko la Lekgotla ge nako ya gagwe ya ka kantorong e fela lebakeng gape la go se fete mengwaga ye meraro.
Ge leloko la Lekgotla le tlogela kantoro goba le hlokafala, Letona le ka tlatša sekgoba ka go thwala motho go ya ka karolo ya 582 go seripa seo se bego se šetše sa lebaka la yo a mo latelago la kantoro.
Dikopano tša Lekgotla
Modulasetulo o swanetše go bitša dikopano tša Lekgotla.
Letona le ka, ge a bona go swanetše, bitša kopano yeo e ikgethilego ya Lekgotla.
Modulasetulo goba, ge Modulasetulo a se gona, Mothuša Modulasetulo o swanetše go dula setulo mo kopanong ya Lekgotla.
Ge bobedi Modulasetulo le Modulasetulo a se gona kopanong, maloko ao a lego gona a swanetše go kgetha o tee wa bona bjalo ka modulasetulo wa motšwa-o-swere mo kopanong yeo.
Khoramo ya kopano ye nngwe le ye nngwe ya Lekgotla ke maloko a seswai.
Sephetho sa bontši bja maloko bja Lekgotla ao a lego gona kopanong se tšewa bjalo ka kwano ya Lekgotla, mme ge diboutu ka ga morero wo mongwe di sa lekane, motho yo a ditšego setulo mo kopanong yeo o na le boutu yeo e balwago.
Modulasetulo o swanetše go iša tšhišinyo e fe goba e fe ya Lekgotla go Letona ka matšatši a šupa ka morago ga ge sephethokwano se dumeletšwe ke Lekgotla.
Dikomiti tša Lekgotla
Lekgotla le swanetše go hlama Komiti ya Retšene ya Tšwetšopele ya Meepo le Tikologo ka mokgwa wo o ka bewago retšene ka retšene ka moo go boletšwego go karolo ya 8.
Lekgotla le ka hlama dikomiti tša go swana le tšeo ka nako yeo di nyakegago goba tša lebaka ka moka bjalo ka ge go ka nyakega go le thuša tiragatšong ya mešomo ya lona, mme komiti yeo e ka akaretša maloko ao e sego maloko a Lekgotla.
Komiti yeo e hlamilwego ka tlase ga karolwana ya 2 e ka, go ya ka tumelelo ya Lekgotla, hlama sehlopha sa mošomo sa nako yeo go thuša go phethagatša mošomo wa yona, mme sehlopha seo sa tšhomo se ka akaretša batho bao e sego maloko a komiti yeo goba Lekgotla.
Ge Komiti ya sehlopha sa mošomo e na le maloko ao a lego ka godimo ga le tee, Lekgotla le swanetše go bea leloko la komiti yeo goba sehlopha seo sa mošomo bjalo ka modulasetulo.
Komiti goba sehlopha sa mošomo se na le maikarabelo go Lekgotla.
Thušo yeo e bolelwago go diripana tša 2 le 3 ga e fediše maikarabelo a Lekgotla go mešomo ya lona ka tlase ga Molao wo.
Go tlabela Lekgotla ka Ditšhelete
Ditshenyagalelo tša Lekgotla di swanetše go hwetšwa go tšhelete yeo e beakanyeditšwego ke Palamente go Kgoro ya Dimenerale le Enetši lebakeng leo.
Tefelo ya maloko a Lekgotla, komiti le sehlopha sa mpošomo
Leloko la Lekgotla, komiti goba sehlopha sa mošomo, ntle le leloko leo le lego mošomi wa lebaka ka moka wa Mmušo, le swanetše go thwalwa ka magora ao, go akaretšwa magora ao a amanago le tefelo ya meputso le tšhelete ya go thuša tiro (allowances), bjalo ka ge Letona le ka bea ka poledišano le Letona la tša Ditšhelete
Godimo ga dipego tše dingwe tšeo di itšeng tšeo Letona le ka di kgopelago go tšwa go Lekgotla nako le nako, Lekgotla le swanetše gore ngwaga wo mongwe le wo mongwe pele ga 31 Matšhe le iše pego go Letona, le hlaloša mediro ya Lekgotla mo ngwageng pele ga letšatši leo mme e swanetše go akaretša lenaneopeakanyo la kgwebo la ngwaga wo o latelago.
Mešomo ya taolo
Mešomo ya taolo ya Lekgotla e swanetše go dirwa ke bahlankedi ba Lefapha bao ba filwego matla ke Molaodi Pharephare go phethagatša seo.
KGAOLO YA 6
DITEKO NYAKIŠIŠO LE TŠWELETŠO YA PETROLEAMO
Kgaolo ye e kgontšha tumelelo ya ditokelo tša diteko nyakišišo le ditokelo tša tšweletšo le go fana ka mangwalo a tumelelo ya tšhomišanommogo ya seteginiki le mangwalo a tumelelo ya dinyakišišo.
a Mabakeng a Kgaolo ye, dikgontšhi tša Temana ya 2, dikarolo 10, 11, 13, 25, 39, 40, 41, 43, 44, 45, 46, 48, 49 le 50 le Kgaolo ya 7 di šoma le diphetogo tšeo di lebanego.
b Tlhalošo e fe goba e fe ka go dikgontši tšeo di bolelwago ka go temana ya a go -
i dimenerale , e swanetše go kwešišwa bjale ka ge e e ra petroleamo;
ii go epa, e swanetše go kwešišwa bjale ka ge e e ra go tšweletša [mediro?]
iii lefelo la go epa, e swanetše go kwešišwa bjale ka ge e e ra lefelo la go tšweletša;
iv ditokelo tša go epa, e swanetše go kwešišwa bjale ka ge e e ra ditokelo tša go epa;
v dinyakišišo, e swanetše go kwešišwa bjale ka ge e e ra mediro ya diteko nyakišišo vi lefelo la diteko nyakišišo, e swanetše go kwešišwa bjale ka ge e e ra lefelo la diteko nyakišišo vii Ditokelo tša diteko nyakišišo, e swanetše go kwešišwa bjale ka ge e e ra ditokelo tša diteko nyakišišo.
Mediro ya Lekalatiro la Petroleamo
Lekalatiro la Petroleamo le swanetše go -
a hlohleletša diteko nyakišišo tša nageng le lebopong tša petroleamo;
b amogela dikgopelo tša tumelelo ya dinyakišišo, tumelelo ya tšhomišanommogo ya seteginiki, ditokelo tša diteko nyakišišo le ditokelo tša tšweletšo;
c sekaseka dikgopelo tšeo le go dira ditšišinyo go Letona;
d fana ka mangwalo a ditumelelo tša dinyakišišo le tšhomišanommogo legatong la Letona;
e lekola le go bega nako le nako go Letona mabapi le go latela dinyakwa tša tumelelo le ditokelo;
f amogela, go lota, go hlaloša, go sekaseka, go oketša mohola, go fetišetša pele le go šoma ka tshedimošo ka moka ya thutafase le sebopego mabapi le petroleamo yeo e filwego go ya ka karolo ya 87;
g tsebiša Letona ka ga tshedimošo mabapi le teko nyakišišo le tšweletšo ya petroleamo yeo e ka tšwelago Mmušo mohola;
h eletša le go dira ditšhišinyo go Letona ka ga hlokego ya thušo ya go diragatša mediro ya diteko nyakišišo tša petroleamo legatong la Mmušo;
i kgoboketša ditšhelete tšeo di beilwego le dikelo hloko mabapi le ditumelelo tša dinyakišišo, tumelelo ya tšhomišanommogo ya seteginiki, ditokelo tša diteko nyakišišo le ditokelo tša tšweletšo;
j senkaleswa le go dira ditšhišinyo go Letona mabapi le tumelelo ya porokerama ya taolo ya tikologo le diporokerama tša tšweletšo;
k dira modiro o fe goba o fe, mabapi le petroleamo, yeo Letona a ka e laelago nako le nako.
Tlabelo ya tša ditšhelete ya Lekalatiro
Letona le ka re, ka tšhomišano le Letona la tša Matlotlo a bea tšhelete yeo e itšego go yeo e hwetšwago ke Lekalatiro la Petroleamo e swarwe ke Lekalatiro go ya ka Kgaolo ye gore le tlabele mediro ya lona go ya ka peakanyetšo ya ditšhelete ya ngwaga yeo e dumeletšwego ke Letona.
Tlhaelo e fe goba e fe ya Lekalatiro e swanetše go lefelwa ke [CEF Proprietary Limited] go ya ka karolo ya 12aia ya Molao wa Ditšhelete tša Gare tša Enetši, 1977 Molao wa Nomoro ya 38 wa 1977.
Hlohleletšo ya dikgopelo
Letona le ka re, ka tsebišo ka go Kasete la mema dikgopelo tša ditokelo tša petroleamo go sekgao goba dikgao, mme a ka bontšha ka go tsebišo yeo lebaka leo ka lona kgopelo yeo e ka dirwago le melawana le magora ao ka go wona ditokelo tšeo di ka fiwago.
Lekalatiro la Petroleamo le re ka mokgwa wo mongwe la amogela dikgopelo tša ditokelo tša petroleamo mabapi le dikgao tšeo di sego tša mengwa bjalo ka ge go hlalošwa go karolwana ya 1
Kgopelo ya tumelelo ya dinyakišišo
Motho o fe goba o fe yo a kganyogago go dira kgopelo ya tumelelo ya nyakišišo go Letona, o swanetše go dira kgopelo -
a kantoro ya Lekalatiro la Petroleamo;
b ka mokgwa wo o beilwego; le c ga mmogo le tšhelete yeo e beilwego yeo e sa lefelwego morago.
Lekalatiro la Petroleamo le swanetše go amogela dikgopelo tša tumelelo ya dinyakišišo ge -
a mokgopedi a dirile kgopelo ka mokgwa wo o nyakegago;
b gore ga go na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo ya petroleamo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala go tliša porokerama ya taolo ya tikologo go ya ka karolo ya 39, mo lebakeng la matšatši a 120 go tloga letšatšing la tsebišo yeo mme le ikopanye le mahlakore ao a nago le kgahlego le ao a amegago.
Go fana ka le lebaka la tumelelo ya diteko nyakišišo
Go ya ka karolwana ya , Letona le swanetše go fana ka tumelelo ya diteko nyakišišo ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya dinyakišišo tša diteko;
b ditshenyagalelo tšeo di lekanyedišwego di sepelelana le mediro ya diteko nyakišišo tšeo di akantšwego le lebaka leo le tla tšeago phethagatšo ya porokerama ya dinyakišišo tša diteko;
c diteko nyakišišo di a se hlole tšhilafatšo yeo e ka se lokišwego , mathata a ekholotši goba tshenyo ya tikologo;
d mokgopedi a na le bokgoni bja go ka sepela ka dikgontšhi tša Molao wa tša Maphelo a Meepong le Polokego, 1996 Molao wa Nomoro ya 107 wa 1996; le e mokgopedi a sa tlole kgontšho e fe goba e fe ya Molao wo yeo e sepelelanago le seo;
Letona le swanetše go gana go fana ka tokelo ya tumelelo ya diteko nyakišišo ge kgopelo e sa kgotsofatše dinyakwa ka moka tšeo di bolelwago go karolwana ya 1.
Ge Letona le gana go fana ka tokelo ya tumelelo ya diteko nyakišišo, Letona le swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tumelelo ya diteko nyakišišo yeo e fiwago go ya ka karolwana ya 1 e -
a ya ka melwana le magora ao a beilwego;
b šoma lebakeng leo le sa fetego ngwaga o tee;
c ga se tokelo ya bao ba itšego fela;
Kgopelo ya tumelelo ya tšhomišanommogo ya seteginiki
Motho o fe goba o fe yo a ratago go kgopela go Letona go mpshafatša tumelelo ya tšhomišanommogo ya seteginiki o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go dumela kgopelo ya tumelelo ya tšhomišanommogo ya seteginiki ge -
a mokgopedi a dirile kgopelo ka mokgwa wo o nyakegago;
b go se na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo ya petroleamo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Go fana ka le lebaka la tumelelo ya tšhomišanommogo ya seteginiki
Go ya ka karolwana ya , Letona le swanetše go fana ka tumelelo ya tšhomišanommogo ya seteginiki ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya go dira dinyakišišo tša tšhomišanommogo ya seteginiki b itshenyagalelo tšeo di lekanyedišwego di sepelelana le mediro ya dinyakišišo tša tšhomišanommogo ya seteginiki tšeo di akantšwego le lebaka leo le tla tšeago phethagatšo ya porokerama ya dinyakišišo tša tšhomišanommogo ya seteginiki; le c gore mokgopedi ga a tlole kgontšho e fe goba e fe ya Molao wo yeo e sepelelanago le seo;
Letona le swanetše go gana go fana ka tokelo ya tumelelo ya dinyakišišo tša tšhomišanommogo ya seteginiki ge kgopelo e sa kgotsofatše dinyakwa ka moka tšeo di bolelwago go karolwana ya 1.
Ge Letona le gana go fana ka tokelo ya tumelelo dinyakišišo tša tšhomišanommogo ya seteginiki, Letona le swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tumelelo ya dinyakišišo tša tšhomišanommogo ya seteginiki yeo e fiwago go ya ka karolwana ya 1 e -
a ya ka melwana le magora ao a beilwego;
b šoma lebakeng leo le sa fetego ngwaga o tee;
c ga e neelanwe go ya ka karolo ya 12; le d ga e mpshafatšwe
Ditokelo le maswanedi a mong tumelelo ya dinyakišišo tša tšhomišanommogo ya seteginiki
Mong wa tumelelo ya dinyakišišo tša tšhomišanommogo ya seteginiki go ya ka karolo ya , o na le tokelo yeo e ikgethago go ka dira kgopelo le go fiwa tokelo ya diteko dinyakišišo mo lefelong la tumelelo nakong ya tshomišo ya tumelelo;
Mong tumelelo ya dinyakišišo tša tšhomišanommogo ya seteginiki o swanetše go -
a šoma ka dinyakišišo tša tšhomišanommogo ya seteginiki ka mehla le go ya ka lenaneo la mošomo;
le c sepela ka melawana le magora a tumelelo ya dinyakišišo tša tšhomišanommogo ya seteginiki le dikgontšhi tšeo di amanago le Molao wo;
Kgopelo ya tokelo ya diteko nyakišišo
Motho o fe goba o fe goba mong wa tumelelo ya dinyakišišo tša tšhomišanommogo ya seteginiki yo a ratago go kgopela go Letona tokelo ya dinyakišišo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go dumela kgopelo ya tokelo ya dinyakišišo ge -
a mokgopedi a dirile kgopelo ka mokgwa wo o nyakegago;
b go se na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo mo lefelong leo le swanago.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala go tliša porokerama ya taolo ya tikologo go ya ka karolo ya 39, mo lebakeng la matšatši a 120 go tloga letšatšing la tsebišo yeo mme le ikopanye le mahlakore ao a nago le kgahlego le ao a amegago
Go fana ka le lebaka la tumelelo ya tokelo ya diteko nyakišišo
Letona le swanetše go fana ka tokelo ya diteko nyakišišo ge -
a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ya go phethagatša mediro ya diteko dinyakišišo ka tshwanelo.
b ditshenyagalelo tšeo di lekanyedišwego di sepelelana le mediro ya diteko dinyakišišo tšeo di akantšwego le lebaka leo le tla tšeago phethagatšo ya porokerama ya mošomo wa dinyakišišo;
c Letona le dumeletše porokerama ya taolo ya tikologo go ya ka karolo ya 393;
d mokgopedi a na le bokgoni bja go ka sepela ka dikgontšhi tša Molao wa tša Maphelo le Polokego ya Meepo, 1996 Molao wa Nomoro ya 107 wa 1996;
e mokgopedi a sa tlole kgontšho e fe goba e fe ya Molao wo yeo e sepelelanago le seo;
f mokgopedi a obamela melawana le magora a tumelelo ya tšhomišanommogo ya seteginiki ge go nyakega;
g gore go fana ka tokelo yeo go tla tšweletša pele maikemišetšo ao a hlalošwago go karolo ya 2f.
Letona le swanetše go gana go fana ka tokelo ya diteko nyakišišo ge -
a kgopelo e sa fihlelele dinyakwa tšeo di bolelwago go karolo ya 1; goba b go fana ka tokelo yeo go tla hlola go kgobokeletša methopo ya petroleamo diatleng tša mokgopedi.
Ge Letona le gana go fana ka tokelo ya diteko nyakišišo, Letona le swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tokelo ya diteko nyakišišo e ya ka melawana le magora mme e šoma lebaka leo le beilwego ka go tokelo, lebaka leo le sa fetego mengwaga ye meraro.
Kgopelo ya mpshafatšo ya tokelo ya diteko nyakišišo
Mong tokelo ya diteko nyakišišo o fe goba o fe yo a ratago go kgopela go Letona go mpshafatša tokelo diteko nyakišišo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Kgopelo ya mpshafatšo ya tokelo ya diteko nyakišišo e swanetše go -
a bontšha lebaka leo le kganyogwago go pshafatšo ;
b felegetšwa ke pego yeo e nago le dintlha tšeo di bontšhago dipoelo tša diteko nyakišišo, tlhalošo ya tšona le ditshenyagalelo tša diteko nyakišišo;
c felegetšwa ke pego yeo e nago le dintlha tšeo di bontšhago botlalo bja go obamela dinyakwa tša porokerama ya taolo ya tikologo yeo e dumeletšwego, tokišo yeo e swanetšego go phethwa le tekanyetšo ya ditshenyegelo; le d Lenaneo la mošomo wa tšweletšo wa lebaka la mpshafatšo.
Letona le swanetše go fana ka tumelelo ya kgopelo ya mpshafatšo ya tokelo ya diteko nyakišišo ge kgopelo e tšwetša pele maikemišetšo ao a bolelwago go karolwana ya 2e ge kgopelo e obamela karolwana ya 1 le 2 mme mong tokelo ya diteko nyakišišo a obamela -
a melawana le magora a tokelo ya diteko nyakišišo mme ga se a tlola dikgontšhi di fe goba di fe tšeo di amanago le Molao wo;
b lenaneo la mošomo wa tšweletšo; le c dinyakwa tša porokerama ya taolo ya tikologo yeo e dumeletšwego.
Tokelo ya diteko nyakišišo e ka mpshafatšwa mabakeng a mararo ao a sa fetego mengwaga ye mebedi le tee ka le.
Ditokelo le maswanedi a mong tokelo ya diteko nyakišišo
Godimo ga ditokelo tšeo di bolelwago go karolo ya 5, mong tokelo ya diteko nyakišišo -
a go ya ka karolwana ya 2, o na le tokelo yeo e ikgethago go ka dira kgopelo le go fiwa tokelo ya tšweletšo ya petroleamo mo lefelong leo le amegago;
b o na le tokelo yeo e ikgethago ya go ka tloša mme a lahla petroleamo yeo a e hweditšego nakong ya diteko nyakišišo;
c a ka neelana mme a gana ka tokelo ya diteko nyakišišo go ya ka karolo ya 12 yeo e tla sepelago le diphetogo tšeo di swanetšego.
mong tokelo ya diteko nyakišišo o swanetše go -
a ngwadiša tokelo yeo go Kantoro ya Ngwadišo ya Ditokelo tša go Epa matšatšing a 30 pele ga ge tokelo e -
i thoma go šoma; le ii ge e mpshafaditšwe go ya ka karolo ya 843;
b šoma ka tšweletšo ka mehla le ka go ineela go ya ka mošomo wa diteko nyakišišo wo o dumeletšwego;
c sepela ka melawana le magora a tokelo ya diteko nyakišišo le dikgontšhi tšeo di amanago le Molao wo;
d obamela dinyakwa tša porokerama ya taolo ya tikologo yeo e dumeletšwego; le e go lefela tshelete yeo e beilwego go Lekalatiro la Petroleamo.
Kgopelo ya tokelo ya tšweletšo
Motho o fe goba o fe goba mong tokelo ya go epa yo a ratago go dira dikgopelo tša tokelo ya tšweletšo go Letona, o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Lekalatiro la Petroleamo le swanetše go amogela kgopelo ya tokelo ya diteko nyakišišo ge -
a mokgopedi a dirile kgopelo ka mokgwa wo o nyakegago; le b gore ga go na motho yo mongwe yo a swerego tumelelo ya tshomišanommogo ya seteginiki, tokelo ya diteko nyakišišo goba tokelo ya tšweletšo, mo lefelong leo.
Ge kgopelo e sa sepelelane le dinyakwa tša karolo ye, Lekalatiro la Petroleamo le swanetše go tsebiša mokgopedi ka ga ntlha yeo matšatšing a 14 morago ga kamogelo ya kgopelo yeo.
Ge Lekalatiro la Petroleamo le dumela kgopelo, Lekalatiro la Petroleamo le swanetše gore mo matšatšing a 14 morago ga tumelelo ya kgopelo yeo le tsebiše mokgopedi ka go ngwala go tliša porokerama ya taolo ya tikologo go ya ka karolo ya 39, mo lebakeng la matšatši a 120 go tloga letšatšing la tsebišo yeo mme le ikopanye le mahlakore ao a nago le kgahlego le ao a amegago.
Go fana ka le lebaka la tokelo ya tšweletšo
Letona le swanetše go fana ka tokelo ya go tšweletša ge a mokgopedi a na le phihlelelo ya methopo ya ditšhelete mme a na le bokgoni bja seteginiki go dira mediro yeo e akanywago ka tlhokomelo;
b ditshenyagalelo tšeo di lekanyedišwego di sepelelana le modiro wa tšweletšo wo o akantšwego le lebaka la porokerama ya mošomo wa tšweletšo;
c Letona le dumeletše porokerama ya taolo ya tikologo go ya ka karolo ya 393;
d mokgopedi a na le bokgoni bja go ka sepela ka dikgontšhi tša Molao wa tša Maphelo le Polokego ya Meepo, 1996 Molao wa Nomoro ya 107 wa 1996;
e mokgopedi a sa tlole kgontšho e fe goba e fe ya Molao wo yeo e sepelelanago le seo;
f mokgopedi a obamela melawana le magora a tokelo ya teko nyakišišo ge go nyakega;
g mokgopedi a file lenaneopeakanyo la tša phedišano leo le beilwego; le h gore go fana ka tokelo yeo go tla tšweletša pele maikemišetšo ao a hlalošwago go karolo ya 2f.
Letona le swanetše go gana go fana ka tokelo ya tšweletšo ge -
a kgopelo e sa fihlelele dinyakwa tšeo di bolelwago go karolo ya 1; goba b go fana ka tokelo yeo go tla hlola go kgobokeletša methopo ya petroleamo diatleng tša mokgopedi.
Ge Letona le gana go fana ka tokelo ya tšweletšo, Letona le swanetše gore ka go ngwala le tsebiše mokgopedi mo matšatšing a 30 ka ga sephetho le mabaka a seo go tloga ge a tšea sephetho.
Tokelo ya go tšweletša e ya ka melao le magora ao a beilwego mme e šoma lebaka leo le beilwego ka go tokelo, mme lebaka leo le ka se fete mengwaga ye masometharo.
Kgopelo ya mpshafatšo ya tokelo ya tšweletšo
Mong tokelo ya tšweletšo o fe goba o fe yo a ratago go kgopela go Letona go mpshafatša tokelo ya tšweletšo o swanetše go dira kgopelo -
a kantorong ya Lekalatiro la Petroleamo;
b ka mokgwa wo o beilwego; ga mmogo le c tšhelete yeo e sa bušetšwego morago ya kgopelo.
Kgopelo ya mpshafatšo ya tokelo ya tšweletšo e swanetše go -
a bontšha lebaka leo le kganyogwago go pshafatšo ;
b felegetšwa ke pego yeo e nago le dintlha tšeo di bontšhago dipoelo tša tšweletšo, tlhalošo ya tšona le ditshenyagalelo tša tšweletšo;
c felegetšwa ke pego yeo e nago le dintlha tšeo di bontšhago botlalo bja go obamela dinyakwa tša porokerama ya taolo ya tikologo yeo e dumeletšwego, tokišo yeo e swanetšego go phethwa le tekanyetšo ya ditshenyegelo; le d Lenaneo la mošomo wa tšweletšo wa lebaka la mpshafatšo.
Letona le swanetše go fana ka tumelelo ya kgopelo ya mpshafatšo ya tokelo ya tšweletšo ge kgopelo e obamela karolwana ya 1 le 2 mme mong tokelo ya tšweletšo a obamela -
a melawana le magora a tokelo ya tšweletšo mme ga se a tlola dikgontšhi di fe goba di fe tšeo di amanago le Molao wo;
b lenaneo la mošomo wa tšweletšo; le c dinyakwa tša porokerama ya taolo ya tikologo yeo e dumeletšwego.
Tokelo ya tšweletšo e ka mpshafatšwa lebakeng la go tšwela pele leo le sa fetego mengwaga ye 30.
Ditokelo le maswanedi a mong tokelo ya tšweletšo
Godimo ga ditokelo tšeo di bolelwago go karolo ya 5, mong tokelo ya tšweletšo -
a go ya ka karolwana ya 2, o na le tokelo yeo e ikgethago go ka dira kgopelo le go fiwa tokelo ya tšweletšo ya petroleamo mo lefelong leo le amegago;
b o na le tokelo yeo e ikgethago ya go ka tloša mme a lahla petroleamo yeo a e hweditšego nakong ya tšweletšo;
c a ka neelana mme a gana ka tokelo ya tšweletšo go ya ka karolo ya 12.
mong tokelo ya tšweletšo o swanetše go -
a ngwadiša tokelo yeo go Kantoro ya Ngwadišo ya Ditokelo tša go Epa matšatšing a 30 pele ga ge tokelo e -
i thoma go šoma; le ii ge e mpshafaditšwe go ya ka karolo ya 843;
b šoma ka tšweletšo ka mehla le ka go ineela go ya ka mošomo wa tšweletšo wo o dumeletšwego;
c sepela ka melawana le magora a tokelo ya tšweletšo le dikgontšhi tšeo di amanago le Molao wo;
d obamela dinyakwa tša porokerama ya taolo ya tikologo yeo e dumeletšwego; le e go lefela tshelete yeo e beilwego go Lekalatiro la Petroleamo.
Tšhomišo ya mafelo a diteko nyakišišo le a tšweletšo
Ge ditokelo tša diteko nyakišišo goba tša tšweletšo di filwe mo lefelong leo e lego karolo ya lefase leo go lona go nago le sediba sa petroleamo yeo go yona go nago le ditokelo tše dingwe tša tšweletšo, beng ba ditokelo tšeo ba swanetše go beakanya lenaneo la tšweletšo ya sediba sa petroleamo ga mmogo bjalo ka selo se tee mme ba swanetše go iša lenaneo leo go Letona go ya ka melawana le magora a ditokelo tša diteko nyakišišo goba tša tšweletšo.
Mong tokelo goba tumelelo e fe goba e fe yo a dirago mediro ya dinyakišišo, dithuto tša tšhomišommogo ya seteginiki, mediro ya diteko nyakišišo le mediro ya tšweletšo o swanetše go fana ka tshedimošo yeo, data, dipego le ditlhalošo go Lekalatiro la Petroleamo bjalo ka ge go ka bewa.
Tshedimošo ka moka, data, dipego le ditlhalošo tšeo di filwego Lekalatiro la Petroleamo di swanetše go swarwa sephiri ke mahlakore ka moka lebakeng leo le -
a sa fetego mengwaga ye mene go tloga go letšatši la khwetšo; goba b felago ka letšatši leo ka lona tumelelo goba tokelo tšeo di amanago le tshedimošo, data, dipego le ditlhalošo di phumutšwego, fedišitšwego goba lefelo leo le lokolotšwe.
Ga go o mongwe, e ka ba Mmušo, Lekalatiro la Petroleamo goba yo mongwe wa bašomi ba bona a rwelego maikarabelo a bonnete thwii goba bokamoka bja data le ditlhalošo tša yona le tshedimošo ye nngwe yeo e filwego motho o fe goba o fe mabapi le kgopelo ya tumelelo goba tokelo yeo e kgopetšwego go ya ka Temana ye.
Tšhireletšego ya ditšhelete
Go ya ka karolo ya 5 , ga go mediro ya teko nyakišišo goba ya tšweletšo yeo e ka thomago ntle le ge mong tokelo yo a amegago a fane ka -
a Pholisi ya inšorense yeo ka go yona Lekalatiro la Petroleamo le Letona ba inšorilwego ke institšhušene ya maemo a boditšhabatšhaba yeo e fanago ka tšhireletšo ya bonnyane bjo bo dumelelegago go Lekalatiro la Petroleamo le Letona go lokiša le go laola kgatelelo e fe goba e fe ya tikologo;
b tšhireletšego yeo e dumelelegago go Lekalatiro la Petroleamo le Letona go phethagatša mananeo a mediro ya teko nyakišišo le ya tšweletšo ke mongtikelo yo a amegago; goba c tšhireletšego yeo e dumeletšwego ya ditšhelete.
Matla a Letona go fega le go phumula ditumelelo le ditokelo
Letona le ka phumula goba la fega tumelelo e fe goba e fe ya nyakišišo, tumelelo ya tšhomišommogo ya seteginiki, tokelo ya teko nyakišišo le ya tšweletšo go ya ka tselatshepetšo yeo e bolelwago go karolo ya 49.
KGAOLO YA 7
DIKGONTŠHI TŠA KAKARETŠO LE TŠE DINGWE
Matla a go tsena lefelong la diteko nyakišišo, lefelong la go epa goba lefelo leo le swerwego
Letona le ka dumelela leloko le fe goba le fe la Lekgotla, Molaodi wa Retšene goba mohlankedi o fe goba o fe , yo a bitšwago motho yo a filwego matla ka mo Kgaolong ye, go tšwetša pele mediro yeo e bolelwago go karolwana ya le ka go karolo ya 91.
Motho yo a filwego matla o swanetše go fiwa setifikeiti seo se saenilwego ke Letona se bontšha gore o filwe matla ka tlase ga karolwana ya 1.
Motho yo a filwego matla o swanetše go, ka kgopelo ya motho o fe goba o fe a bontšhe setifikeiti seo se bolelwago go karolwana ya 2 go motho yoo.
Motho yo a filwego matla a ka, ka matla a taelo yeo e filwego go ya ka karolwana ya 5, nakong ya mošomo ntle le go fa tsebišo pele, tsena lefelong la diteko nyakišišo, lefelong la go epa goba lefelo leo le swerwego go lekola gore ditlhalošo tša Molao wo di a phethagatšwa mme a ka -
a lekola modiro o fe goba o fe goba tshepetšo tšeo di diragatšwago lefelong leo mabapi le mediro yeo e hlalošwago ka go Molao wo;
b kgopela tshedimošo e fe goba e fe mabapi le modiro woo goba tshepetšo go mong tokelo ya diteko nyakišišo, tokelo ya go epa, tumelelo ya go swara goba tumelelo ya go epa yo a amegago goba motho yo a lego taolong ya lefelo leo goba go motho o fe goba o fe yo a dirago mediro yeo;
c tšea setlabelo, puku, setatamente goba tokomane mme a tšea mehlala ya materiale goba seela; le d go tsebiša go tšewa ga materiale, seela, setlabelo, puku, setatamente goba tokomane tšeo di tšerwego ka tlase ga temana ya c go mong goba motho yo a lego taolong ya lefelo leo ka bonako pele ga go tšea le go tloša dilo tšeo di tšewago go di iša lefelong leo le boletšwego ka go tsebišo yeo.
a Taelo yeo e bolelwago ka go karolwana ya 4 e swanetše go nšhiwa ke mmagaseterata yo a nago le matla, mme e tla ntšhiwa fela ge e bontšhwa mo tshedimošong ya kano gore go na le mabaka ao a kwagalago go kgolwa gore materiale, seela, setlabelo, puku, setatamente goba tokomane tšeo di ka bago mabapi le tlolo ya Molao wo, di ka gare goba mo lefelong leo.
b Taelo yeo e ntšhitšwego go ya ka seripa se e tla sepetšwa ka tšhetšo ye kgolo ya tlhompo le tshepetšo ye botse.
a Ge go se na melato yeo e hwetšwago mabapi le setlabelo se fe goba se fe seo se tšerwego go ya ka karolwana ya 4, goba ge go bonagala gore setlabelo seo ga se nyakege go tsheko e fe goba e fe mabakeng a bohlatse goba tsheko, selo seo se swanetše go bušetšwa ka pele ka mo go ka kgonegago go motho yo se tšerwego go yena.
b Ka morago ga phetho ya tshepetšo ya molato selo se fe goba se fe seo se ilego sa tšewa ka tlase ga karolwana ya 4 mme se ile sa šomišwa bjalo ka bohlatse mo tshekong yeo motho a swerwego, se swanetše go fiwa mohlahlobi gore se senywe goba se šongwe ka mokgwa wo go ka laelwago ke kgoro.
Motho yo a filwego matla a ka re ka nako ya mošomo ntle le taelo, a tsena lefelong la diteko nyakišišo, lefelo la go epa goba lefelo leo le swerwego go hlahloba modiro o fe goba o fe goba tshepetšo yeo e dirwago ka gare goba mo lefelong leo le amegago mme a ka nyaka mong tokelo ya diteko nyakišišo, tokelo ya go epa goba tokelo ya go swara goba tumelelo ya go epa go ntšha puku e fe goba e fe, pego goba ditokomane tše dingwe mabapi le merero yeo e hlalošwago ka go Molao wo gore di hlahlobje, goba mabakeng a go dira dikgatišo goba go ntšha tshedimošo ka ga tšona ka go tšona.
Ditaelo, Phetho le melao
Ge motho yo a filwego matla a hwetša gore tlolo goba tlolo yeo e gononelwago goba thetelelo ya go obamela dikgontšhi tša Molao wo goba magora a fe goba a fe a tokelo e fe goba e fe ya diteko nyakišišo, tumelelo ya go epa, tumelelo ya go swara goba Porokerama ya Taolo ya Tikologo leo le filwego mme la dumelelwa go ya ka Molao wo, e diregile goba e a direga mo lefelong la diteko nyakišišo leo le amegago goba lefelong la moepo, motho yoo a ka -
a laela mong tokelo yeo e amegago goba tumelelo, molaodi, mohlankedi, mošomi goba mothušatiro wa mong go tšea magato a tokišo ka bonako; goba b laela gore mediro ya diteko nyakišišo goba ya go epa goba karolo ya seo e fegwe, mme a fa melao mabapi le seo.
Molaodi Pharephare a beela thoko taelo e fe goba e fe yeo e bolelwago go karolwana ya 1a goba b
Molaodi Pharephare a ka tsebiša mong ka go ngwala matšatšing a 30 a sephetho sa go beela thoko taelo.
Thibelo ya go šitiša motho yo a filwego matla
Ga go motho yo a swanetšego go šitiša, go thibela goba go ganetša motho o fe goba o fe yo a filwego matla go dira mošomo wa gagwe go ya ka Molao wo.
Thibelo ya go hlolela mošomi bothata mošomong wa gagwe
Mong tokelo ya diteko nyakišišo, tokelo ya go epa, tumelelo ya go epa goba tumelelo ya go swara ga a swanela go hlolela mošomi o fe goba o fe wa gagwe mathata a go šoma, ka lebaka la, goba ka lebaka la ka thokwana, ka ge mošomi a ka utolla tshedimošo go Letona, Molaodi Pharephare goba motho o fe goba o fe yo a filwego matla -
a mabapi le go retelelwa ga mong yoo go sepela ka dikgontšhi tša Molao wo;
b mo mabakeng a gore mong yoo o dira mediro ya diteko nyakišišo goba ya go epa , go ya ka mo go lego ka gona, ka mokgwa wo o lego kgahlanong le maikemišetšo a karolo ya 2e le f; goba c gore modiro o fe goba o fe goba tiragatšo tseo di dirwago ke mong yoo di ka hlola go se sepele ka dikgontšhi tša Molao wo goba ka molao o fe goba o fe goba legora la tokelo yeo.
Mabakeng a seripa se, tlholelo ya mathata mošomong e ra "tlholelo ya mathata mošomong" bjalo ka ge e hlalošitšwe ka go karolo ya 1 sa Molao wa Tšhireletšego ya Dikutollo, 2000 Molao wa Nomoro ya 26 wa 2000.
Tshepetšo ya tshekoleswa ya ka gare
Motho o fe goba o fe yo ditokelo tša gagwe goba ditetelo tša gagwe di amilwego gampe ka dithoto goba yo a phošeditšwego ke tiragatšo ya taolo go ya ka Molao wo a ka kgopela tshekoleswa ka mokgwa wo o dumeletšwego go-
a Molaodi Pharephare, ge e le gore ke tiragatšo ya taolo ka Molaodi wa Retšene goba mohlankedi; goba b Letona, ge e le gore ke tiragatšo ya taolo ka Molaodi Pharephare goba Lekalatiro la Petroleamo;
Tshekoleswa go ya ka karolwana ya 1 ga e fege tiragatšo ya taolo, ntle le ge e fegilwe ke Molaodi Pharephare goba Letona, go ya ka mo go bago ka gona.
Go tlišetšwa ditokomane
Ntle le ge go beilwe ka mokgwa wo mongwe ka go dikgontšhi tša Molao wo, tsebišo e fe goba e fe , taelo, molaotiragatšo goba tokomane e fe goba e fe tšeo di swanetšego, go ya ka Molao wo, go fiwa motho o fe goba o fe, di tla tšewa bjalo ka ge di filwege -
a di filwe ka seatla go motho yoo; goba b di rometšwe ka poso yeo e netefaditšwego go aterese ya mošomo, poso goba ya madulo ya motho yoo.
Tsebišo e fe goba e fe , taelo, molaotiragatšo goba tokomane e fe goba e fe tšeo di filwego go ya ka Molao wo, di a šoma go ya ka mabaka a wona, le ge mohlankedi yo a di tlišago goba yo a di netefatšago a se na matla se segolo ke ge a filwe matla ao.
Melato
Motho mang goba mang yo a tshelago goba a retelelwa ke go obamela -
a karolo ya 52, 131, 19, 201, 204, 231, 59, 601 goba 611;
b karolo ya 2696 goba 7, goba 265a, b, c, d, e goba f;
c karolo ya 651, 4 goba 5;
d karolo ya 671, 2b goba 673c;
e karolo ya 69, 70, goba 711;
f karolo ya 72; goba g karolo ya 752, 3, 4, goba 7;
h taelotšhupo e fe goba e fe , tsebišo, phego, taelo, taelomolao goba mabaka ao a ntšhwago, fiwago goba a bewago go ya ka Molao wo; goba i kgopelo e fe goba e fe yeo e bolelwago go karolo ya 2094, o na le molato.
Motho o fe goba o fe yo a tlolago goba a retelelwago ke go ikamanya le dikgontšhi tša Molao wo le yena o tla bonwa molato.
Dikotlo
Motho o fe goba o fe yo a swerwego ka molato go ya ka Molao wo o tla lebanwa ke –
a mo molatong wo o bolelwago go karolo ya 96a, h le I, tefišo goba kgolego ya lebaka leo le sa fetego ngwaga wo tee goba go bobedi tefišo le kgolego, le lebaka leo le sa fetego dikgwedi tše tshelelago go tefišo ya koketšo yeo e sa fetego R5 000,00 letšatšing le lengwe le le lengwe leo molato o tšwelago pele;
b mo molatong wo o bolelwago go karolo ya 96b go tefišo goba kgolego ya lebaka leo le sa fetego mengwaga ye mebedi goba go bobedi tefišo le kgolego, le lebaka leo le sa fetego ngwaga wo tee go tefišo ya koketšo yeo e sa fetego R10 000,00 letšatšing le lengwe le le lengwe leo molato o tšwelago pele;
c mo molatong wo o bolelwago go karolo ya 96c, go tefišo goba kgolego ya lebaka leo le sa fetego mengwaga ye mebedi goba go bobedi tefišo le kgolego yeo;
d mo molatong wo o bolelwago go karolo ya 96d, go kotlo yeo e ka fiwago ya bofora;
e mo molatong wo o bolelwago go karolo ya 96e, go kotlo yeo e ka fiwago ke kgoro ya magaseterata go molato wo o swanago le woo;
f mo molatong wo o bolelwago go karolo ya 96f, go tefišo goba kgolego ya lebaka leo le sa fetego mengwaga ye lesome goba go bobedi tefišo le kgolego yeo;
g mo motho a swaretšwego molato go ya ka Molao wo, wo o sa beelwego kotlo, go tefišo goba kgolego ya lebaka leo le sa fetego dikgwedi tše tshelelago goba go bobedi tefišo le kgolego yeo;
Ntle le sengwe seo se lego kgahlanong ka gare ga molao o fe goba o fe, kgoro ya magaseterata e ka fana ka kotlo e fe goba e fe yeo e kgotšhwago ka go Molao wo.
Letona le swanetše go, lebakeng la mengwaga ye mehlano go tloga letšatšing leo Molao wo o thomilego go diragatšwa -
a mme ka morago ga go ikopanya le Letona la tša Kago ya Dintlo, tšweletša seemo seo se amogelegago sa meago le tša maphelo intaseteri ya tša dimenerale le petroleamo;
b tšweletša lenaneopeakanyo go hlahla le go šupa tsela ya kagoleswa maphelo intaseteri ya tša dimenerale le petroleamo mono Repapoliki; le c go tšweletša molaosetšo wo o amogelegago wa mediro ya intaseteri ya tša dimenerale le petroleamo mono Repapoliki.
Thwalo ya beng dikontraka
Ge mong tokelo ya diteko nyakišišo, tokelo ya go epa goba tumelelo ya go swara a thwala motho yo mongwe goba kontraka ya thušo go dira mošomo ka gare ga mellwane ya lefelo la moepo, lefelo la diteko nyakišišo goba lefelo leo le swerwego, bjalo ka ge go ka ba ka gona, mong yoo o dula a na le boikarabelo a go obamela Molao wo.
Go fa matla a mošomo le mošomo
Letona le ka, go ya ka maemo ao a ka a beago, ka go ngwala, la fa matla ao e lego a gagwe ka tlase ga Molao wo, ntle le matla a go dira melawana, mme a ka fa mošomo wo o filwego yena go Molaodi Pharephare, Molaodi wa Retšene goba mohlankedi o fe goba o fe.
Letona le ka, ge le e fa matla goba go fa mošomo ka tlase ga karolwana ya 1 la fa tumelelo ya go fetišetša matla ao a mošomo pele ke motho yo a mo filego matla ao a boromiwa goba mošomo.
Molaodi Pharephare, Molaodi wa Retšene goba mohlankedi o fe goba o fe yo a filwego matla goba yo a filwego mošomo ke, goba ka tlase ga Molao wo, a ka re ka go ngwala a fa matla goba a fa mošomo go mohlankedi o fe goba o fe.
Molaodi Pharephare, Molaodi wa Retšene goba mohlankedi ba ka, ka nako e fe goba e fe -
a gogela morago matla goba mošomo wo o filwego go ya ka karolwana ya 1, 2, goba 3, go ya ka mo go ka bago ka gona; mme b ba ka gogela morago goba go fetola sephetho seo se dirilwego ke motho yo a dirišago matla goba yo a dirago mošomo wo a o filwego go ya ka karolwana ya 1, 2, goba 3, go ya ka mo go ka bago ka gona.
Letona, Molaodi Pharephare, Molaodi wa Retšene goba mohlankedi ga ba tlošwe go matla goba mošomo wo ba o filego motho yo mongwe.
Melawana
Letona le ka, ka tsebišo ka go Kasete, la dira melawana mabapi le -
a morero o fe goba o fe wo o swanetšego goba o ka hlalošwago go ya ka Molao wo; le b morero o fe goba o fe wo ka ga wona go swanetšego goba go ka akgofišwago go fa ditaelo go ka diragatša goba go sepetša dikgontšhi tša Molao wo.
Ga go molawana wa mabapi le matlotlo a Mmušo goba ditshenyagalelo di tla dirwa ke Letona ntle le tšhomišano le Letona la tša Ditšhelete.
Molawana o fe goba o fe wo o dirilwego ka tlase ga seripa se o ka kgontšha gore motho o fe goba o fe yo a tlolago molawana woo goba a retelelwa ke go o latela, o na le molato mme ge a swerwe o swanelwa ke tefišo goba kgolego ya lebaka leo le sa fetego dikgwedi tše tshelelalgo.
Bohlatse bja dintlha
Mo tshepetšong e fe goba e fe ya semolao go ya ka Molao wo, setatamente se fe goba se fe, go ngwala goba tshedimošo ka gare goba mo puku e fe goba e fe, lenaneopeakanyo, rekhoto goba tokomane ye nngwe di a dumelelega bjalo ka bohlatse bjo bo dumelelegago bja dintlha tšeo di lego ka go goba mo go yona tšeo di dirilwego ke motho yo a di ngwadilego, rekhotilego goba a di beilego.
Molao o bofa Mmušo
Molao wo o bitšwa Molao wa Tšweletšo ya Methopo ya Dimenerale le Petroleamo, 2001, mme o thoma go šoma ka letšatšo leo le beilwego ke Mopresitente ka kwalakwatšo ka go Kasete.
LENANEO LA 1
G0 PHUMULWA GOBA GO FETOLA MELAO
Karolo ya 104
Nomoro le ngwaga wa molao
Hlogo ye kopana
Bogolo bja phumulo goba phetogo
Molao wa Nomoro ya 47 wa 1937
Molao wa Ngwadišo ya Dititi, 1937
Phumulo ya dikarolo 70 go ya go
Phetolo ya karolo 102 ka -
a Phumulo ya temana ya a ya tlhalošo ya "thoto yeo e sa suthego", le b Phumulo ya tlhalošo ya "kontraka ya tekonyakišišo"
Molao wa Nomoro ya 50 wa 1956
Molao wa Phetolo ya Melao Kakaretšo, 1956
Phumulo ya dikarolo 3 le 4
Molao wa Nomoro ya 96 wa 1969
Ka moka
Molao wa Nomoro ya 57 wa 1976
Molao wa Mafelo a Boikhutšo, 1976
Phumulo ya kamano e fe goba e fe le tokolelo ya dimenerale go dikarolo tša 2A, 2C,2D, 3 le 3A [ka lebaka la eng?]
Molao wa Nomoro ya 39 wa 1979
Molao wa Bophuthatswana wa Taolo ya Naga, 1979
Phumulo ya karolo ya karolwana ya ya karolo ya 16
Molao wa Nomoro ya 6 wa 1986
Molao wa Venda wa Taolo ya Naga, 1986
Phumulo ya karolo ya karolwana ya ya karolo ya 16
Molao wa Nomoro ya 56 wa 1986
Molao wa Taamane, 1986
Ka moka
Molao wa Nomoro ya 50 wa 1991
Ka moka, ntle le ditlhalošo tša "tšhipi ya bohlokwa" ka go karolo ya 1 [le Kgaolo ya XV1 ya Molao wa go Epa, 1967?]
Molao wa Nomoro ya 47 wa 1994 Molao
Molao wa tekatekanyo ya melao ya Dimenerale le Enetši, 1994
Ka moka [naa o ka phumulwa?]
wa Nomoro ya 3 wa 1996
Molao wa peakanyoleswa ya Naga (Badudi ka Mošomo), 1996
Phumulo ya kamano le tokolelo ya dimenerale go karolo ya 2 [o ka se phumulwe - o swanetše go fetolwa go bontšha peakanyo ye mpsha?]
Molao wa Nomoro ya 94 wa 1998
Molao wa kagoleswa ya Dinagamagae tše dingwe, 1998
Karolo ya 6
Molao wa Nomoro ya 107 wa 1998
Molao wa Taolo Bosetšhaba ya Tikologo, 1998
Phetolo ya karolo ya 36 ka go phumula dikgonegišo tša sripana sa .
Molao wa Nomoro ya 8 wa 1997
Molao wa Tshekaseko ya Naga wa, 1997
Phetolo ya karolo ya 1 ka -
a phumulo ya temana ya d ya tlhalošo ya "matla"
b go bea legatong ditlhalošo tša "kabelano" "share" tša ditlhalošo tšeo di latelago:
kabelano" mabapi le naga, [le ditokelo tša dimenerale] e ra kabelano yeo e sa arolwego";
Phetolo ya karolo ya 29 ka -
a go bea legatong ka go seripa sa 2 go temana ya c ya temana yeo e latelago:
c beng ba ditokelo tša nnete [ntle le tokelo go dimenerale] mo sekgaong sa naga goba mo lefelong kgauswi le leo ditokelo tša lona di angwago gampe ke maemo a dipakana beacons goba mellwane yeo e beilwego le";
b go bea legatong ka go seripa sa 2 go temana ya ii ya ditlhalošo tša temana ya d ya temana yeo e latelago:
ii mo sekgaong sa lefelo goba mo lefelong la kgauswi [goba tokelo e fe goba e fe go dimenerale mo sekgaong seo sa naga] goba ditokelo di fe goba di fe tša nnete tšeo di swerwego ke mong o tee goba ba babedi goba beng ba dikabelano, go tla lekana ge kwano e saenilwe ke beng goba beng dikabelano tšeo di sego ka tlase ga bone tharong three fourths bja dikabelano mo sekgaong sa naga goba ditokelo, bjalo ka ge go ka ba gona;" le c ka phumulo ya karolwana ya 2 ya temana ya ii ya ditlhalošo tša temana ya d.
Phetolo ya karolo ya 34 ka peo legatong ka go karolwana ya ya ditlhalošo tša temana ya (b) ya ditlhalošo tšeo di latelago:
Ge e le gore mabapi le naga yeo e lego kgauswi, [goba tokelo e fe goba e fe go dimenerale tšeo di lego lefelong leo le sekasekwago] goba ditokelo di fe goba di fe tša nnete tšeo di swerwego ke mong o tee goba ba babedi goba beng ba dikabelano, go tla lekana ge kwano e saenilwe ke beng goba beng dikabelano tšeo di sego ka tlase ga diperesente tše 75 bja dikabelano mo sekgaong seo sa naga goba ditokelo, bjalo ka ge go ka ba gona;" le
LENANEOTSHEPETŠO 11
PEAKANYO YA LEBAKA LA PHETOGELO
Ditlhalošo
Mo Lenaneotshepetšong, ntle le ge tlhalošo e bontšha ka mokgwa wo mongwe -\
i "Molao wa Dimenerale" e ra Molao wa Dimenerale, 1991 Molao wa Nomoro ya 50 wa 1991;
ii "tokelo ya peakanyo ya kgale ya go epa" e ra khirišo e fe goba e fe ya go epa, tumelelo ya go epa, laesense ya go kgopela pušetšo, tumelelo ya go epa goba tokelo yeo e ngwetšwego go Sethalwa sa 1 table 1 mo go Lenaneotshepetšo leo le šomago go tloga ka letšatši leo Molao wo o thomilego go šoma le ka mokgwa wo mediro ya go epa e sepetšwago ka gona ka letšatši leo le šetšego le beilwe;
iii "tokelo ya peakanyo ya kgale ya diteko nyakišišo" e ra khirišo e fe goba e fe ya diteko nyakišišo, tumelelo, kwano, lenwalo la tumelelo goba laesense le ditokelo tšeo di amanago le seo, tšeo di ngwetšwego go Sethalwa sa 2 table 2 mo go Lenaneotshepetšo leo le šomago go tloga ka letšatši leo Molao wo o thomilego go šoma le ka mokgwa wo mediro ya go dira diteko nyakišišo e sepetšwago ka gona.
iv "tokelo ya peakanyo ya kgale" e ra tokelo ya kgale ya go epa, tokelo ya kgale ya diteko nyakišišo, tokelo ya kgale yeo e sa šomišwego, lengwalo la tumelelo ya kgale la teko nyakišišo ya oli ya tlhago goba khirišo ya OP26, bjalo ka ge go ka ba ka gona v "khirišo ya OP26" e ra khirišo e fe goba e fe ya diteko nyakišišo, le khirišo e fe goba e fe ya ka tlase ga khirišo le khirišo ya go epa, yeo e dumeletšwego go [Soekor Propriety Limited] go ya ka karolo ya 141b ya Molao wa tokelo ya go epa, 1967 Molao wa Nomoro ya 20 wa 1967, wo o tšwetšego pele o šoma go ya ka seripa sa 441aii sa Molao wa Dimenerale;
vi "tokelo ya peakanyo ya kgale yeo e sa šomišwego" e ra tokelo, maswanedi, lengwalo la tumelelo goba laesense yeo e ngwetšwego go Sethalwa sa 3 table 3 mo go Lenaneotshepetšo mabapi gore ga go na teko nyakišišo goba kepo yeo e kilego ya diragatšwa pelenyana ga tsenyo tirišing ya Molao wo.
Maikemišetšo a Lenaneotshepetšo
Maikemišetšo a Lenaneotshepetšo le ke go-
a netefatša gore polokego ya tokelo e šireletšegile mabapi le mediro yeo e diragatšwago ya diteko nyakišišo, dinyakišišo go epa le mediro tšweletšo;
b fa mong wa tokelo ya kgale [tokelo ya kgale yeo e sa šomišwego?] sekgoba sa go obamela Molao wo; le c kgonaatša phihlelelo yeo e lekalekanego ya methopo ya setšhaba ya dimenerale le petroleamo.
Tšwetšopele ya dikgopelo tšeo di sa emego tša diteko nyakišišo le go epa
, Kgopelo e fe goba e fe ya tumelelo ya teko nyakišišo, tumelelo ya go epa, tumelelo ya go dira diteko nyakišišo, tumelelo ya go epa goba tumelelo ya go tloša le go šuthiša menerale o fe goba o fe wo o lego gona, fela e sa feleletšwa go ya ka karolo ya 6, 8 goba 9 ya Molao wa Dimenerale pelenyana ga ge molao wo o tsenywa tirišong e swanetše go tšewa bjalo ka ge e filwe go ya ka karolo yeo e sepelelanago le Molao wo. [Naa go na le dikgontšhi tšeo di lego mabapi le dikgopelo ka moka?]
Ge kgopelo e fe goba e fe yeo e bolelwago go ntlha ya 1 e sa sepelelane le dinyakwa tša Molao wo, Molaodi wa Retšene yo retšene ya gagwe e lego mabapi le kgopelo yeo, o swanetše go laela mokgopedi go phethagatša dinyakwa tšeo di sa šaletšego.
Porokerama e fe goba e fe ya taolo ya tikologo yeo e tlišitšwego go dumelelwa go ya ka karolo ya 391 ya Molao wa Dimenerale yeo e bego e sa feleletšwa ge Molao wo o tsenywa tirišong e swanetše go tšewa bjalo ka ge e filwe go ya ka karolo ya 391 ya Molao wo.
Ge porokerama ya taolo ya tikologo e sa sepelelane le dinyakwa tsa Molao wo, Molaodi wa Retšene yeo e amanago le lefelo leo la porokerama ya taolo ya tikologo, o swanetše go laela mokgopedi go phethagatša dinyakwa tšeo di sa šaletšego.
Tšwetšopele ya khirišo ya OP26
Khirišo e fe goba e fe ya ka tlase (sublease) go ya ka PO26 [khirišo ya ka tlase yeo e sa hlalošwago ya OP26] yeo e bego e šoma ge Molao wo o tsenywa tirišong e tšwela pele ka go šoma go ya ka melawana le magora ao e filwego a tlase ga wona go fihlela e emišwa goba e fela ka la 30 Tšuni 2007, nakong e fe goba e fe yeo e ka bago ka pela.
Mong khiro yo a hlalošwago go karolwana ya 1 o swanetše go dira kgopelo ya mpshafatšo go ya ka seripa sa 803 goba kgopelo ya tokelo ya tšweletšo go ya ka karolo ya 82 pele ga go fela ga khirišo ka la 30 Tšuni 2007.
Khirišo e fe goba e fe ya ka tlase sublease go ya ka PO26 [khirišo ya ka tlase yeo e sa hlalošwago ya OP26] yeo e bego e šoma ge Molao wo o tsenywa tirišong e tšwela pele ka go šoma mengwageng ye mehlano go tloga letšatšing leo Molao wo o tsentšwego tirišong ka lona go ya ka melawana le magora ao e filwego a tlase ga wona.
Mong khiro yo a hlalošwago go karolwana ya 3 o swanetše go kgopela phetolelo go ya ka seripana sa 5 pele ga mafelelo a lebaka la mengwaga ye mehlano.
Mong khiro yo a hlalošwago go karolwana ya 3 yo a kganyogago go fetolela khirišo ka go tokelo ya tšweletšo go ya ka Molao wo, o swanetše go dira kgopela go kantoro ya Molaodi wa Retšene ya lefelo leo le amegago, yeo e nago le -
a dintlha tša gagwe tšeo di nyakegago;
b sethalwa plan sa seemo sa lefelo seo se bontšhago lefelo leo phetolelo e nyakegago, lefelo leo le ka se bego bogolo bja go feta lefelo leo a swerego khirišo ya lona;
c lefoko leo le hlalošago lebaka lao ka lona a diragaditšego mediro ya go epa pele ga letšatši la go tsenywa tirišong ga Molao wo;
d lefoko leo le hlalošago lebaka leo ka lona tokelo ya tšweletšo e nyakegago ka lona mme le hlalošwa ke porokerama ya go epa;
e Lenaneo la tša maphelo a batho f tshedimošo ya gore naa ponto ya motekeitši mortgage bond e ngwadišitšwe go khiro yeo e amegago goba aowa;
g lefoko leo le hlalošago melawana le magora ao a amegago go khiro;
h Titi ya thaetlele ya mathomo ya naga yeo khiro e amanago le yona, goba kgatišo yeo e netefaditšwego le i khiro ya mathomo goba kgatišo yeo e netefaditšwego.
Letona le swanetše go fetolela khirišo ge mong a -
a epa go ya ka tokelo yeo e amegago;
b bontšha gore o nyaka go tšwela pele ka mediro ya go epa ge tokelo yeo e ka fetolelwa; le c o lefile tšhelete yeo e beilwego [yeo e sa bušetšwego morago?]
Ga go melawana le magora ao a šomago go khirišo ao a tšwelago pele go šoma ge a le kgahlanong le dikgontšhi tša Molao wo.
Khirišo e fe goba e fe yeo ka ga yona go nyakegago tshedimošo go ya ka ntlhana ya 5 e tlišitšwe, e tla dula e šoma go fihlela nakong yeo tokelo ya tšweletšo yeo e fetoletšwego ka go yona, e ngwadišitšwe mo Kantorong ya Ngwadišo ya Dithaetlele tša Meepo.
Ngwadišo yeo e hlalošwago go ntlhana ya 7 e swanetše go direga mo dikgweding tše tshela go tloga letšatšing leo khiro e fetoletšwego mme e swanetše go dirwa ka nako e tee le go phumula ngwadišo ya khiro go Kantoro ya Ngwadišo ya Dititi goba go Kantorong ya Ngwadišo ya Dithaetlele tša Meepo, bjalo ka ge go ka ba ka gona.
) Ge ponto ya motekeitši e ngwadišitšwe go ya ka Molao wa Ngwadišo ya Dititi, 1937 (Molao wa Nomoro ya 47 wa 1937), goba Molao wa Ngwadišo ya Dithaetlele tša Meepo, 1967 (Molao wa Nomoro ya 16 wa 1967, ka ga khirišo, tokelo yeo ka go yona o fetoletšwego o swanetše go ngwadišwa go ya ka Molao wo go ya ka ponto ya motekeitši ye nngwe le ye nngwe, mme mongwadiši yo a amegago o swanetše go dira netefatšo yeo e swanetšego go tokomanee fe goba e fe yeo e lebanego le go tsenya dintlha tšeo ka gare ga retšisetara bjalo ka ge go ka hlokagala gore ntlha ye e šome ga botse, ntle le go lefela mešomo ya neelano, mešomo ya setempe, tšhelete ya ngwadišo goba ditefišo.
Ge khirišo e fetoletšwe le ngwadišo ya tokelo ya tšweletšo yeo e fetoletšwego ka go yona e dirilwe, khirišo e a fedišwa.
Ge go se na kgopelo yeo e dirilwego pele ga go fela ga lebaka leo le hlalošwago go ntlha ya 1 khirišo e a fela.
Tšwetšopele ya tokelo ya diteko nyakišišo ya peakanyo ya kgale
Go ya ka dinthla (a) le , tokelo ya peakanyo ya kgale ya diteko nyakišišo e fe goba e fe ya diteko nyakišišo yeo e bego e šoma ge Molao wo o thoma go šoma go ya ka melawana le magora ao e dumeletšwego ka tlase ga wona goba o filwego goba o be o swanetše go dumelelwa goba o be o swanetše go fiwa.
Ge seripa se fe goba se fe sa tokelo ya diteko nyakišišo ya peakanyo ya kgale se fela pele ga nako ya go fela ya mengwaga ye mebedi yeo e boletšwego go ntlha ya 1 mong o swanetše go dira kgopelo ya mpshafatšo ya tokelo yeo go ya ka karolo ya 14, tokelo ya go epa go ya ka karolo ya 20 goba setifikeiti sa kefošo go ya ka karolo ya 43, go ya ka seo se lego maleba, goba go kgopela phetolelo go ya ka ntlha ya 3 pele ga go fela ga lebaka la mengwaga ye mebedi
Mong o fe goba o fe wa tokelo ya diteko nyakišišo ya peakanyo ya kgale yo a kganyogago go fetolela tokelo ya diteko nyakišišo ya peakanyo ya kgale ka go tokelo diteko nyakišišo go ya ka Molao wo, o swanetše go dira kgopelo mo kantorong ya Molaodi wa Retšene yoo lefelo leo le amegago le lego retšeneng ya gagwe yeo e nago le -
a dintlha tša gagwe tšeo di nyakegago;
b sethalwa plan sa seemo sa lefelo seo se bontšhago lefelo leo phetolelo e nyakegago, lefelo leo le ka se bego bogolo bja go feta lefelo leo go lona a swerego tokelo ya diteko nyakisišo;
c leina la minerale goba sehlopha sa dimenerale seo go sona a nago le tokelo ya diteko nyakišišo;
d lefoko leo le hlalošago gore mong o dirile diteko nyakisišo mo lefelong leo le amanago le phetolelo pelenyana ga ge Molao wo o thoma go diragatšwa le go bea lebaka leo ka lona diteko nyakišišo tšeo di dirilwego ka lona;
d lefoko leo le hlalošago lebaka leo ka lona tokelo ya diteko nyakišišo e nyakegago ka lona e hlalošwa ke lenaneo la mošomo;
f tshedimošo ya gore naa tokelo ya peakanyo ya kgale ya diteko nyakišišo e akareditšwe ke ponto ya motekeitši mortgage bond e fe goba e fe goba tokelo ye nngwe yeo e ngwadišitšwego go Kantoro ya Dititi goba Kantoro ya Ngwadišo ya Dithaetlele tša Mebaene goba aowa;
g lefoko leo le hlalošago melawana le magora ao a amegago tokelo ya peakanyo ya kgale ya diteko nyakišišo;
h Titi ya thaetlele ya mathomo ya naga yeo tokelo ya peakanyo ya kgale ya diteko nyakišišo e amanago le yona, goba kgatišo yeo e netefaditšwego [go direge eng ge motho yoo e se mong goba mong wa motekeitši ya lefelo mme a sa kgone go hwetša kgatišo?]; le i tokelo ya peakanyo ya kgale ya mathomo goba kgatišo yeo e netefaditšwego.
Letona le swanetše go fetolela tokelo ya peakanyo ya kgale ya diteko nyakišišo ge mong wa tokelo ya peakanyo ya kgale ya diteko nyakišišo a -
a diragaditše mediro ya diteko nyakišišo go ya ka tokelo yeo e amegago;
b bontšha gore o nyaka go tšwela pele ka mediro ya go diragatša mediro ya diteko nyakišišo ge tokelo yeo e fetolelwa; le c gore o lefile tšhelete yeo e beilwego ya phetolelo [yeo e sa bušetšwego morago?]
Ga go melawana le magora ao a šomago go tokelo ya peakanyo ya kgale ya diteko nyakišišo ao a tšwelago pele go šoma ge a le kgahlanong le dikgontšhi tša Molao wo goba Molaotheo.
tokelo ya peakanyo ya kgale ya diteko nyakišišo e fe goba e fe yeo ka ga yona go nyakegago tshedimošo go ya ka ntlhana ya 3 e tlišitšwe, e tla dula e šoma go fihlela nakong yeo tokelo ya diteko nyakišišo yeo e fetoletšwego ka go yona, e ngwadišitšwe mo Kantorong ya Ngwadišo ya Dithaetlele tša Meepo.
Mong o swanetše go kgopela ngwadišo yeo e hlalošwago go ntlhana ya 5 mo dikgweding tše tshela go tloga letšatšing leo tokelo ya peakanyo ya kgale ya diteko nyakišišo e fetoletšwego le go phumula ngwadišo ya tokelo ya peakanyo ya kgale ya diteko nyakišišo go Kantoro ya Ngwadišo ya Dititi goba go Kantorong ya Ngwadišo ya Dithaetlele tša Meepo, bjalo ka ge go ka ba ka gona, e swanetše go šoma ka nako e tee le ngwadišo ya tokelo yeo e fetoletšwego.
) Ge ponto ya motekeitši e ngwadišitšwe go ya ka Molao wa Ngwadišo ya Dititi, 1937 (Molao wa Nomoro ya 47 wa 1937), goba Molao wa Ngwadišo ya Dithaetlele tša Meepo, 1967 (Molao wa Nomoro ya 16 wa 1967, ka ga tokelo ya peakanyo ya kgale ya diteko nyakišišo, tokelo ya diteko nyakišišo yeo ka go yona o fetoletšwego e swanetše go ngwadišwa go ya ka Molao wo go ya ka ponto ya motekeitši ye nngwe le ye nngwe, mme mongwadiši yo a amegago o swanetše go dira netefatšo yeo e swanetšego go tokomanee fe goba e fe yeo e lebanego le go tsenya dintlha tšeo ka gare ga retšisetara bjalo ka ge go ka hlokagala gore ntlha ye e šome ga botse, ntle le go lefela mešomo ya neelano, mešomo ya setempe, tšhelete ya ngwadišo goba ditefišo.
Ge tokelo ya peakanyo ya kgale ya diteko nyakišišo e fetoletšwe le ngwadišo ya tokelo ya tšweletšo yeo e fetoletšwego ka go yona e dirilwe, tokelo ya peakanyo ya kgale ya e a fedišwa.
Ge go se na kgopelo yeo e dirilwego pele ga go fela ga lebaka leo le hlalošwago go ntlha ya 1 tokelo ya peakanyo ya kgale ya diteko nyakišišo e a fela.
Tshepedišo ya ditokelo tša peakanyo ya kgale yeo e sa šomišwego
Tokelo e fe goba e fe ya peakanyo ya kgale yeo e bego e sa šomišwe nakong ya ge Molao wo o thoma go šomišwa e tšwela pele go šoma ka melawana le magora ao e filwego ka tlase ga wona, e hweditšwego goba e filwe goba e be e swanetše go ba e filwe, goba e be e swanetše go ba e dumeletšwe lebakeng leo le sa fetego ngwaga go tloga letšatšing leo Molao wo o thomilego go šoma.
Mong wa Tokelo ya peakanyo ya kgale o swanetše go dira kgopelo tokelo ya diteko nyakišišo goba tokelo ya go epa, bjalo ka ge go ka ba ka gona, go ya ka Molao wo, lebakeng leo le bolelwago go ntlha ya 1.
Tokelo ya peakanyo ya kgale yeo e sa šomišwego yeo e lego mabapi le kgopelo yeo e dirilwego nakong yeo e filwego go ntlha ya 1, e tla dula e šoma go filhela nako yeo ka yona tokelo ya diteko nyakišišo goba tokelo ya dimenerale, ka mo go ka bago ka gona, e fiwa mme e šongwa go ya ka Molao wo goba e ganetšwa.
Go ya ka ntlha ya 2 le 3, tokelo ya peakanyo ya kgale yeo e sa šomišwego e fela ge lebaka leo le hlalošitšwego ka go karolwana ya 1 le fela.
Tšwetšopele ya peeletšo, tumelelo le ditokelo tše dingwe
Peeletšo e fe goba e fe goba tumelelo goba tokelo ya go šomiša bogodimo bja naga, yeo e filwego goba e hweditšwego goba e swanetše go ba e filwe goba e hweditšwe, goba yeo e tšwelago pele goba e šoma -
a go ya ka karolo ya 75 ya Molao wa Tšhipi ye Bohlokwa, 1908 Molao wa Nomoro ya 35 wa 1908, wa Transefala;
b go ya ka karolo ya 1262 ya Molao wa Maswika a Bohlokwa, 1964 Molao wa Nomoro ya 73 wa 1964;
c go ya ka karolo ya 90, 91, 92, 934 goba 7, 102, 103, 111, 113 goba 116 ya Molao wa Ditokelo tša go Epa, 1967 Molao wa Nomoro ya 20 wa 1967; goba d go ya ka karolo ya 127, 128 goba 129 yeo e balwago le karolo ya 130, Molao wa Ditokelo tša go Epa, 1967 Molao wa Nomoro ya 20 wa 1967; goba e ka lebaka la peeletšo ka tlase ga karolo ya 158 ya Molao wa Ditokelo tša go Epa, 1967 Molao wa Nomoro ya 20 wa 1967;
bjalo ka ge go ka ba ka gona, mme e šoma pele ga go tsenywa tirišong ga Molao wo go ya ka karolo ya 48 ya Molao wa Dimenerale, e tšwela pele go šoma go ya ka melawana le magora ao ka tlase ga wona e filwego goba e hweditšwego goba e tšerwe go ba e filwe goba e hweditšwe goba ka tlase ga yona e tšwelago pele go ba gona goba go šoma.
) Peeletšo e fe goba e fe, tumelelo goba tokelo ya go šomiša bogodimo bja naga yeo e bolelwago go karolo ya e swanetše go ngwadišwa go Kantoro ya Ngwadišo ya Dithaetlele tša go Epa ke mang? - e swanetše go ngwalwa ka lentšu la tiro (active voive) ngwageng wo Molao wo o thomilego go šoma ka wona.
Peeletšo e fe goba e fe goba tumelelo goba tokelo ya go šomiša bogodimo bja naga yeo e bolelwago go karolo ya 1, yeo e ka bego e emišitšwe, e neelanwe, e tlogetšwe, e arolelanwe, e filwe, e kgaogantšhitšwe, e fetotšwe goba e motekeitšilwe, ka moka goba seripa, pelenyana ga tiragatšo ga Molao wo e ka emišwa, neelanwa, tlogelwa, arolelanwa, fiwa, kgaogantšhwa, fetolwa goba ya motekeitšiwa, ka moka goba seripa, go ya ka Moalo wo, fela mong o swanetše go kgopela go Kantoro ya Ngwadišo ya Dithaetlele tša go Epa matšatšing a 90 a ngwadišo ya kemišo, neelano, tlogelo, karolelano, phiwo, kgaogantšho, phetošo goba motekeitši.
Mong wa naga yo a bolelwago go karolo ya 482a ya Molao wa Dimenerale yo a bego a hwetša hlatswadiatla go ya ka karolo yeo pelenyana ga go tsenya tirišong ga Molao wo, o swanetše go tšwela pele go hwetša hlatswadiatla yeo [bjalo ka ge o ka re karolo yeo ga se ya phumulwa goba lebaka la nako e kae?].
a Mong wa peeletšo, tumelelo goba tokelo tšeo di bolelwago go karolwana ya 1 a ka tlogela peeletšo yeo, tumelelo goba tikelo, ka moka goba seripa, ka tsebišo ya go ngwalela Molaodi wa Retšene yo a lego maleba.
b) Peeletšo, tumelelo goba tokelo tšeo di bolelwago go temana ya (a), goba seripa sa yona seo se tlogetšwego, se swanetše go tšewa bjalo ka ge e eme go tloga letšatšing la tsebišo mme e swanetše go ngwalwa ka go Kantoro ya Ngwadišo ya Dithaetlele tša go Epa ke mang? - e swanetše go ngwalwa ka lentšu la tiro (active voive)
Molaodi Pharephare a ka phumula peeletšo e fe goba e fe, tumelel goba tokelo ge mong wa yona e retelelwa ke go obamela melawana le magora a tokelo yeo, peeletšo goba tumelelo, lebakeng leo ka lona karolo ya 102 le 4 [go ka se hwetšwe dikgontšhi tšeo di swanetšego] e tla šomago le diphetogo tšeo di lebanego.
b 7 Khirišo e fe goba e fe ya mašokotšo a Mmušo go moepo go ya ka karolo ya 74 ya Molao wa Maswika a Bohlokwa, 1964 Molao wa Nomoro ya 74 wa 1964; wo o dutšego o šoma go ya ka karolo ya 471aiii ya Molao wa Dimenerale e tšwela pele go šoma go ya ka melawana le magora ao a lego ka gare ga tokomane yeo e filwego goba ya ngwalwa ka tlase goba ka gare go yona.
Tšwetšopele ya porokerama yeo e dumeletšwego ya taolo ya tikologo
1 Porokerama e fe goba e fe yeo e dumeletšwego ya taolo ya tikologo go ya ka karolo ya 391 ya Molao wa Dimenerale yeo e šomago pelenyana ga go tsenywa tirišong ga Molao wo le magato a fe goba a fe ao a tšerwego mabapi le tshekaseko ya tiragatšo yeo e amegago le mošomo wa go hlokomela wo o lego mabapi le seo o tšwela pele go šoma.
Sekakarolo 1 ga se thibele Letona go laela tokišo ya lenaneo la taolo ya tikologo go dira gore le sepelelane le dinyakwa tša Molao wo.
Motho ofe goba ofe yoo a lokolotšwego go ya ka karolo 392a ya Molao wa Dimenerale pele ga ge Molao wo o thoma go šoma le yoo tokollo ya gagwe e sa dulego e šoma go ya ka Molao wo o swanetše go dira kgopelo ya tokollo go ya ka Molao wo lebakeng la ngwaga wo tee go tloga ka tšatši leo Molao wo o thomilego go šoma, go sego bjalo tokollo e tla fedišwa.
Mediro ye mengwe ya Molaodi: Tšwetšopele ya Dimenerale yeo e swanetšego go dirwa ke Molaodi wa Selete goba Letona
Go fihla ge Mohlankedi a beelwa selete go ya ka karolo 9 bjalo ka Molaodi wa Selete, mohlankedi yoo a beilwego bjalo ka Molaodi: Tšwetšopele ya Dimenerale wa selete seo go ya ka karolo 4 ya Molao wa Dimenerale o swanetše go-
a tšewa gore o beilwe ke Molaodi wa Selete; le b phetha modiro ofe goba ofe ka seleteng woo a o beetšwego woo Molaodi wa Selete a swanetšego go o phetha ka fase ga goba go ya ka Molao wo.
Tokollo go go lefa diroyalthi
Go se na taba le karolo 23(g) empa go ya ka sekantlha , mong ofe goba ofe wa tokelo ya go epa ya pušo ya pele, yoo e lego gore, pele ga Molao wo o thoma go šoma ga se a goba a sanke a lefe diroyalthi go motho ofe goba ofe o lokollwa go tefo ya diroyalthi tše bjalo go Mmušo go ya ka Molao wo lebaka la mengwaga ye 10 go tloga ka tšatši leo Molao wo o thomilego go šoma ka lona.
Mong ofe goba ofe yoo a ratago go lokollwa bjalo ka ge go akantšwe ka go sekantlha 1 o swanetše go humana setifikeiti sa tokollo.
Go se na taba le dikarolo 23(g) le 2c empa go ya ka sekantlha , tebogo efe goba efe yeo e lego gona, royalthi goba tebogo ya išago, go tsenywa tebogo yeo e akantšwego ka go karolo 46 ya Molao wa Dimenerale, yeo e lego ya setšhaba sefe goba sefe, lefelo, instithušene goba trasete ye bjalo pele Molao o thoma go šoma, o tšwela pele go ba ya setšhaba se bjalo, lefelo, instithušene goba trasete ge e le gore-
a kakanyo ye bjalo goba royalthi e šomišetšwa mabaka a go godiša tšwelopele ya metsemagae le ya gae le hlahlošo ya kagišano ya setšhaba;
b taolo ya ditšhelete ya maswanedi e a dirwa mabapi le tebogo goba royalthi ye bjalo;
c setšhaba, lefelo intithušene goba trasete e tliša maano a tšwetšopele, ao a bontšhago ka mokgwa woo tebogo e šomišwago le diprotšeke dife goba dife e di thušago; le d ge e le gore tebogo goba royalthi e šomišetšwa go hola lefelo goba instithušene, maloko kamoka a setšhaba seo go bolewago ka sona goba, ge e le gore ke trasete, go hola baholwa bao ba šupilwego ke trasete.
Setšhaba, lefelo, instithušene goba trasete yeo e akantšwego ka go sekantlha 1 e swanetše gore ka ngwaga, neng goba neng ge go nyakega gore go dirwe bjalo ke Letona, e fe Letona dintlha tše bjalo mabapi le tšhomišo le tefo ya tebogo goba royalthi go ya ka moo Letona le tla bego le nyakile ka gona
Ge setšhaba sefe goba sefe, lefelo, instithušene goba trasete yeo e akantšwego ka go sekantlha 1 se tlogela go šala morago dinyakwa tšeo di akantswego ka go sekakarolo seo, ka tsebišo ka gare ga Kuranta ya Mmuso, Letona le ka no laela gore go tloga ka tšatši leo le boletšwego ka gare ga tsebišo, tšhelete efe goba efe yeo e humanwego ka baka la tebogo goba royalthi e lefswe ka go Matlotlo a Mmušo.
Ge ditebogo goba diroyalthi tšeo di akantšwego ka go sekantlha 1 e le tsa motho, di swanetše go tšwela pele go ba tša gagwe go ya ka mabaka le ditlamo tšeo Letona le ka no di phethago, ge e le gore-
a go se sa tšwela pele ga kakanyo ye bjalo goba royalthi go tla bakela motho yoo mathata, goba b motho o šomiša tebogo ye bjalo goba royalthi go hlahloša maemo a kagišano.
Baamogedi bao ba akantšwego ka go sekantlha 1 le 5 ba swanetše gore, lebakeng la mengwaga ye 5 go tloga ka tšatši leo Molao woo o thomilego go šoma ka lona, ba fe Letona tshedimošo yeo e boletšwego.
Mang goba mang, goba setšhaba, lefelo instithušene goba trasete yeo e humanago tebogo efe goba efe goba royalthi ka baka la ntlha ye o swanetše go-
a boloka direkhoto tšeo di boletšwego mo atereseng ya ka Rephaboliking moo di ka hlahlobjwago ke Molaodi Pharephare; le b tliša dipego tša ditšhelete tša ngwaga tšeo di hlakišitšwego.
TAFOLA 1
Tumelelo ya go epa yeo e filwego go ya ka karolo 9 (a) goba 9 ya Molao wa Dimenerale le ditokelo tša dimenerale tša molao wa setlwaedi tšeo di kgomantšwego le tumelelo ya go epa yeo e filwego mabapi le tšona go ya ka karolo 9 ya Molao wa Dimenerale.
Tumelelo ya go epa goba ya moepo goba laesense ya kleime yeo go boletswego ka yona ka go karolo 47 ya Molao wa Dimenerale le ditumelelo tša moepo tša molao wa setlwaedi tšeo di kgomantšwego mmogo le tumelelo ya go epa yeo e humanwego mabapi le taba yeo ka fase ga karolo 47 (d) [?] go ya ka karolo 9 ya Molao wa Dimenerale.
Tumelelo ya go epa goba ya moepo yeo go boletšwego ka yona ka go karolo 47 ya Molao wa Dimenerale le ditumelelo tša dimenerale tša molao wa setlwaedi tšeo di kgomantšwego mmogo le tumelelo ya go epa mabapi le taba yeo go ya ka karolo 9 ya Molao woo o boletšwego.
Tumelelo efe goba efe ya go epa go ya ka karolo 16 ya Molao wa Taolo ya Naga wa Bophuthatswana, 1979 (Molao No. 39 wa 11979), karolo 16 ya Molao wa Taolo ya Naga wa Venda, 1986 (Molao No. 6 wa 1986), karolo 15 ya Molao wa Trasete ya Dimenerale wa Lebowa, 1987 (Molao No. ?? wa 1987), karolo 51 ya Molao wa Mafelo a Metsemagaeng (Ntlo ya Baemedi), 1987 (Molao No. 9 wa 1987), goba karolo 6 ya Molao wa Phetolo Mafelo a Mangwe a Magaeng, 1998 (Molao No. 94 wa 1998), le ditokelo tša dimenerale tša molao wa setlwaedi tšeo di kgomantšwego le tšona le tumelelo ya go epa go ya ka Molao wa Dimenerale.
TAFOLA 2
Tumelelo ya go nyaka diepšane go ya ka karolo 6 (a) goba 6 ya Molao wa Dimenerale, ditokelo tša dimenerale tša molao wa setlwaedi tšeo di kgomantšwego le wona le phemiti ya go nyaka diepšane yeo e filwego mabapi le wona go ya ka karolo 6 ya Molao wa Dimenerale.
Khiro ya go nyaka diepšane, phemiti ya go nyaka diepšane, laesense ya go nyaka diepšane goba tumelelo ya go nyaka diepšane yeo go boletšwego ka yona ka go karolo 44 ya Molao wa Dimenerale, ditokelo tša dimenerale tša molao wa setlwaedi tšeo di kgomantšwego le tšona le phemiti ya go nyaka dipšane yeo e humanwego go ya ka karlo 6 ya Molao wa Dimenerale.
Tumelelo efe goba efe ya go epa go ya ka karolo 1610 ya Molao wa Taolo ya Naga wa Bophuthatswana, 1979 Molao No. 39 wa 11979, karolo 161 ya Molao wa Taolo ya Naga wa Venda, 1986 Molao No. 6 wa 1986, karolo 15 ya Molao wa Trasete ya Dimenerale wa Lebowa, 1987 Molao No. ?? wa 1987, karolo 511 ya Molao wa Mafelo a Metsemagaeng Ntlo ya Baemedi, 1987 Molao No. 9 wa 1987, goba karolo 6 ya Molao wa Phetolo ya Mafelo a Mangwe a Magaeng, 1998 Molao No. 94 wa 1998, le ditokelo tša dimenerale tša molao wa setlwaedi tšeo di kgomantšwego le tšona go ya ka Molao wa Dimenerale.
TAFOLA 3
Tokelo ya dimenerale ka fase ga molao wa setlwaedi ntle le tumelelo ya go nyaka diepšane goba tumelelo ya go epa yeo e filwego go ya ka Molao wa Dimenerale.
Tokelo ya dimenerale ka fase ga molao wa setlwaedi le phemiti ya go nyaka diepšane goba tumelelo ya go epa yeo e filwego go ya ka Molao wa Dimenerale.
Tumelelo ya go nyaka diepšane go ya ka karolo 6 (a) goba 6 ya Molao wa Dimenerale le tokelo ya dimenerale ya molao wa setlwaedi yeo e kgomantswego le tsona mmogo le phemiti ya go nyaka diepšane yeo e filwego go ya ka karolo 6 ya Molao woo o boletšwego.
Tumelelo ya go epa go ya ka karolo 6 (a) goba 6 ya Molao wa Dimenerale le ditokelo tša go epa tša molao wa setlwaedi tseo di kgomantšwego le tšona ntle le phemiti ya go nyaka diepšane yeo e filwego go ya ka karolo 6 ya Molao woo o boletšwego.
Tumelelo ya go epa yeo e ntšhitšwewgo goba e filwego go ya ka karolo 9 (a) goba 9 le ditokelo tša molao wa setlwaedi tšeo di kgomantšwego le tsona mmogo le tumelelo ya go epa yeo e filwego go ya ka karolo 9 ya Molao wa Dimenerale.
Tumelelo ya go epa yeo e filwego go ya ka karolo 9 (a) goba 9 ya Molao wa Dimenerale le tokelo ya dimenerale ya molao wa setlwaedi yeo e kgomantšwego le tšona ntle le tumelelo ya go epa yeo e filwego go ya ka karolo 9 ya Molao wa Dimenerale.
Tokelo ya go epa goba ya moepo yeo go boletšwego ka yona ka go karolo 47 ya Molao wa Dimenerale le tokelo ya go epa ya molao wa setlwaedi yeo e kgomantswego le tšona le tumelelo ya go epa yeo e humanwego mabapi le tšona ka baka la karolo 47 (e) ya Molao wa Dimenerale le go ya ka karolo 9 ya Molao woo.
Tumelelo efe goba efe ya go epa go ya ka karolo 16 ya Molao wa Taolo ya Naga wa Bophuthatswana, 1979 (Molao No. 39 wa 11979), karolo 16 ya Molao wa Taolo ya Naga wa Venda, 1986 (Molao No. 6 wa 1986), karolo 15 ta Molao wa Trasete ya Dimenerale wa Lebowa, 1987 (Molao No. ?? wa 1987), karolo 51 ya Molao wa Mafelo a Metsemagaeng (Ntlo ya Baemedi), 1987 (Molao No. 9 wa 1987), goba karolo 6 ya Molao wa Phetolo ya Mafelo a Mangwe a Magaeng, 1998 (Molao No. 94 wa 1998), le ditokelo tša dimenerale tša molao wa setlwaedi tšeo di kgomantšwego le tšona le tumelelo ya go nyaka diepšane goba phemiti ya go epa yeo e filwego go ya ka Molao wa Dimenerale.
